چاناققالا بوغازیندا گمیلرین حرکتی دایاندیریلدی
25 آپرئل 23:26
آنا صحیفه ادبیات |
کولت. آذ ایلقار فهمینین "هاردا اونوتدوم" آدلی شعیرینی تقدیم ائدیر:
سحردن آختاریب گزیرم،اما
هئچ یئردن اترینی آلا بیلمیرم،
من سنین سئوگینی هارا قویموشام؟
هئچ جوره یادیما سالا بیلمیرم.
فیکریم داغیلیبدی آخیر زامانلار،
سانکی گؤزه گلیب یادداشیم،هوشوم.
یقین کئچهن هفته بیلر یئرینی،
یا دا کئچهن آیدان سنی سوروشوم.
اونودوب قویموشام بلکه سئوگینی
هتلین سویوموش پنجرهسینده،
فیکیر وئرممیشهم، یاددان چیخیبدی
اوزومه اؤرتولن قاپی سسینده،
گیزلی گؤروشلرین بهانهسینده.
بلکه یوللار اولدو منی چاشدیران؟
قاتار اوغورلادی ایتن سئوگیمی،
تلسیک دوشنده کوپهده قویدوم
اوخونوب قورتارمیش بیر کیتاب کیمی؟
من سنی گؤرهسهن هاردا اونوتدوم؟
یاغیشدا ایتیردیم، قاردا اونوتدوم؟
نسه، حیاتدی دا. من بو یاشیما
کیملردن، نلردن دویوب گلمیشهم.
تکجه سنی دئییل، من اؤزومو ده
سنلی گونلریمده قویوب گلمیشهم.
تاریخ
2019.07.04 / 18:12
|
مولف
آینوره مممدووا
|