چاناققالا بوغازیندا گمیلرین حرکتی دایاندیریلدی
23:26
آنا صحیفه ادبیات |
کولت. آذ یعقوب نیکزادین شعیرینی تقدیم ائدیر:
گولومسه دیک پاییزا گوللو بیر تیکان شوتونا
سویولدو قانلی قابارلار آجی سوغان شوتونا
باسیلدی اؤلکه میز اویناش سسیله چیرکینجه
تالاندی تایفا ـ تیفاق گیزلی کور دومان شوتونا
قارانلیغین اوره یین سؤکدوسه گونش قوخوسو
یوخو چیخارتدی گؤزو واختسیز آذان شوتونا
یئنی صحیفه آچارکن مچیدده باشچیلار آه
قوراندان اوز چئویریبلر بئش ـ اون قیران شوتونا
پوتور چیخیب ائل ـ اوبا داغلارین دادی قاچاراق
سورو ساتیلدی سووولدو جیغال چوبان شوتونا
اینانجیلار بئله اووسونلاییب سئوینجیمیزی
درینله شیب یارامیز بیر دایاز گومان شوتونا
باهاردان اومدوق اومود اولمادی داریخمامیزا
گولومسه دیک پاییزا گوللو بیر تیکان شوتونا
تاریخ
2019.07.06 / 21:44
|
مولف
آینورا مممدووا
|