کولت. آذ حسن رحمانینین شعرینی تقدیم ائدیر:

اؤزل بالامسان
و
یوز فائیز گوزل.
گؤزللیگین گؤزلریمی اوخشاییر
اؤزللیگین منی یئریمدن اوینادیر
لزگی چالیر چیرپینان اوره گیم
چال چالاخ چاغیندایام
منیم کی چوخ زماندی من دن کئچیب
اوشاق اولوب یئنی دن باشا دوشورم
عجب ائله ییرم
سنسیزلیک غزل بسله ییر قافامین بطنینده
تک باشیما سنه شعر یازماغیم گلیر
یازاجاغام. یازیرام
قورخا قورخا سنه سئوگیلیم دئمگیم گلیر
هله ده سئوه بیلیرم دویغوساللاری
حسابسیز کیتابسیز
جان آغزیمدان چیخان گونه دک
آه....
لعنت سنه شاعیر اوره گیم
دویغو دیلنچی سی
اوپوجوک مانقوردو
سئومک دلی سی
سئویلمک سرگی سی
باشینا باشسیز اوره گیم
آدام اولماسان بیلیرم
یئنی اولایلار بکله ییر سنی
سایقیلار تومورجوخلانیر یاز باخیشلاریندا
سن یازیمسان،یاراشیغیمسان یاااااااااار
گؤزومسن ایشیغیمسان
زمانم ده سنله اویونور
منطیق سل یازیلاردان آجیغیم گلیر
شعریم یولون دئیشمک دشونور
سن گلن یوللارا گئتمک ایسته ییر
یولونا چیخماق ایسته ییر
موشتولوق وئرمگیم گلیر
یوبانما نه اولور
سنه دونن دن اوره ک دمله میشم
سئئوگیلی