بو حالدا سلاحی یئره قویاجاغیق - حماس
16:24
آنا صحیفه ادبیات |
کولت. آذ شاعر رحیم خانینین شعرینی تقدیم ائدیر:
یئنه اوتاغیمدا یاس توتوب بیری
یئنه ده اؤزگه دیر دووارلار منه
یئنه قوووشماغا چیرپینان اوغلان
یئنه ده سئوگینین پایی وار منه
یئنه بوغازیمدا دویونله نیب درد
یئنه ده دلی لیک باشیما چیخیب
یئنه گؤزلریمده نئچه بارداق یاش
یئنه ده بو دونیا کؤنلومو سیخیب
یئنه قارانلیغا، توش گلیب یولوم
یئنه ده ایشیغین ایزین سئویرم
یئنه ال-لریمی آچمیشام گؤیه
یئنه ده ظالیمین قیزین سئویرم !
یئنه آنلامیرام هئچ بیر سئوگینی
یئنه ده یولداشام یازیق مجنونا
یئنه اینادیما بوش قالیر دونیا
یئنه ده اوزاق دیر حیکایه'م سونا !
تاریخ
2019.07.08 / 12:11
|
مولف
آیتاج آراز
|