ایرواندا آذربایجان و تورکیه بایراقلاری یاندیریلدی - ویدئو
23 آپرئل 23:41
آنا صحیفه ادبیات |
کولت.آذ گونئیلی شاعیر سوسن نوادهٔ رضینین شعیرینی تقدیم ادیر:
سوسن نوادهٔ رضی
وطن،
بوغازیمیزا ایلیشدیردیکلری درددیر
زوققوم دور.
هاچان باللاشاجاق آجیلاریمیز؟...
او، منیم دامارلاریمدا دولاشیر هر آن
من اونون خیالیندا دم به دم...
سیلمک اولارمی وطنین هیچقیریقلارینی تاریخدن؟
گیزلتمک اولارمی،
یاسالاماق اولارمی
یوز ایللرین آجیماسیزلیغینی؟
چوخداندیر
دینگ دینگ سسی گلمیر ساعات مئیدانیندان؛
نه ده واختی گؤرسهدیر آرتیق.
ساعاتیمیز می کوسدو
یوخسا زامانین بئلینی بوکدو نیسگیللریمیز؟
تقویملر دؤرد فصیل عصیان یوخلاییر
یوخولار ایسه،
بئیینلر بئلدن آشاغییا بَلهشندن بری
آییلماق بیلمیر گون دوغان چاغی.
غربتده غریب
وطنده غریب
اؤزگهلره اؤزگه
اؤزوموزه ده غریب...
هانسی غریبستانین غربتلیسیییک بیز؟!
تاریخ
2020.01.19 / 15:48
|
مولف
آیتاج آراز
|