کولت. آذ گونئی آذربایجان‌لی شاعره سحر خیاوینین اوشاق ادبیاتی سیل‌سیله‌سین‌دن "آغاج" آدلی شعری تقدیم ائدیر:

اوشاقلار تانیتدیریم
گوزل بیر یارانیشی؟
همشه یاخشیلیقدا
یای یازی،پاییز قیشی؟

کوءنلو گئنیش الی بول
آداملارا بار وئرر
یورغونلار کولگه سینده
دینجین آلار دینجه لَر

نه بویوک دیر اوره گی
بار گتدیکجه باش اَیَر
بو صیفتین همشه
ائلیمیز مَثَل دئیه ر

داش آتانا پای وئرر
قاش قاباق ائتمَز اونا
کئشگه بو یاخشیلیغی
قدیر بیلَن لر قانا

یوووا اولار قوجاقی
کیچیک بویوک قوشلارا
سئرچه لره،قارغایا
یاراسا، بایقوشلارا

آی اوشاقلار آماندیر
قول قانادین قیرمایاق
گول- چیچکلی آیغیندا
گلین تونقال قورمایاق

دنه لری اکه یین
آغاجلاری چوخالداق
خسته لیگی،توستونو
یئر اوزوندن آزالداق

سو وئر گول آیاقینا
نازلا بیر گوووده سینی
قولاق آس یارپاقلارا
ائشیت"ساغ اول"سسینی