کولت. آذ اوشاق ادبیاتی سیلسیله‌سین‌دن ویدا حشمتینین "گؤزل یاشیل‌لیق" آدلی شعیرینی تقدیم ائدیر

"گؤزل یاشیل لیق"

گونلرین بیر گونونده
شاه عباس دوربونونده
واریدی بیر مئشه لیک
مئشه لیک دولو شنلیک

بالیغیندان -قوچوندان
قوردوندان دا قوشوندان
توتموشدولار یاشامین
هره سی بیر اوجوندان

آغاجلارین باشیندا
هر بوجاغین داشیندا
وار ایدی بیر عاییله
قورولوقدا ، یاشیندا

بیر گون قورخونج سس گلدی
اورمانین بئلین ایدی
بوخجولارلا ، کسدیلر
آغاجلار یئره دیدی

اورمانلیق ویران اولدو
یاشیل لیقلار دا سولدو
حئیوانلار داغیلدیلار
هر یئر اوت -علف دولدو

آغاجلار اوجالانسین
هریئره کؤلگه سالسین
اوشاقلار ! بیز گؤز اولاق
اورمانلار دیری قالسین.