آنا صحیفه ادبیات |
کولت.آذ گونئی آذربایجانلی شاعیر مهسا عبدالعلی زادهنین شعیرینی تقدیم ادیر:
بیر گونلر
پایسیز اویغارلیغیم
ساچلاریندان آسلاناجاق
هادیر اول...!
...و سن
یالقیزلیغین عفونت باغلامیش لحظه لرینده
منی خاطیرلا یالنیز!
قیزیم...
آی ایچیمده کی یالانچی نوطفه!
یازیغیم گلیر
دوغولماغینا.
سیغیندیر اؤزونو
سللوللاریم قارانلیغینا!
چیرپینما!
ترپندیکجه،
قوسدوروجو زامانین
قوخوسوندان
ایضطیراب قوسورام
بوی آتدیقجا ایچیمده سن،
قورخو دامارلاریم
جوشا گلیر.
سورویور منی
بوزارمیش ائسترسلر یوکو.
قیزیم...
آیسان!
ائشیدیرسن می؟
قورخورام
بو چیسکین دولو ثانیه لر
بو آلدادیجی
و قیوریجی یوللار
سنینده اوره یینی، اؤز چارمیخلارینا
وورا- وورا اؤلدوره لر
من... سنین
کدردن دولو یازقینی
نیفرتله یاشامینی
و آجی گله جه یینی
ایندیدن ایسه حیسس ائدیرم.
آی ی ی ی...
ایچیمده کی دوغولمایان اینسان!
ندن لردن کیریتدی سنی تانریم
ندن لردن؟!
باش قالدیر!
دونیانین بوتون نیسکیل لرینی
کؤنلونون گؤموتلویونده
گؤموله...!
و منیم سونسوز هؤویتیمی
گؤبه یینین هؤرولموش کندیریندن
دارا چک!
بیر گونلر،
آجیماسیز اینسانلار
منیم منلیییمده اؤزتله یه جکلر
سنی...
تاریخ
2019.07.14 / 22:32
|
مولف
Axar.az
|