کولت. آذ آرش احمدینین " ایکینجی آدیم دیر دلی لیک "آدلی شعیرینی تقدیم ائدیر:

تبريز كوچه لرينده گزن جيران اوشويور

تبریز گئجه لرینده گزن جیران اینتهار قوخویور

اللرینده گئجه دن قالمیش بیر یاریمچیق جینایت

گؤزلرینده اینتقام

دوداقلاریندا سویوش داشیییر...

یالقیزلیغینی فیشقیراق چالیر

سوکوتا یاسلی دیر

رؤیالاریندا آغلاییر

شعرلرینی گئجه قوشلارینا دانیشیر

و نفرتلرینی توپورور یئر اوزونه

تبریز کوچه لرینده گزن جئیران کوچه لرله یولا گئده بیلمیر...

کافه سیز کوچه لرین باشیندا

دومانلی تبریزین گؤز یاشلاریندا

حالینی سوروشورسان سا

او دینمه ییر

او دانیشماییر

باهار گله جک دئییه

اونا اومید یازیرام

اینانماییر...

تبریز کوچه لرینده گزه ن جئیران

گوُزلرینده یاشام

ال لرینده بیر اوووج شعر

آیاقلاریندا سونسوز یوللارین گئدیشی

باخیشی

داریخمالارین سون دوشورگه سی

آدی

دلی لییین ایکینجی آدی دیر...

تبریزلی جئیران!

سنی سئومک

انتهارین قوجاغیندا یاتماق کیمی دیر

سون شعرین سون سطرین ده

اوزونه باغیشلانمایان اتهام ووروب

سون مرمی نی آچماق کیمی دیر

تبریز کوچه لرینده گزن جئیران اوشویور

اوشویورم

اوشویوروک...

بو باهار

سنینله له

ماراقلانیرام اوُلومه‌...