کولت. آذ اوشاق ادبیاتی سئرییاسین‌دان سحر خیاوی نین "آینادا اوشاق" آدلی شعرینی تقدیم ائدیر:

گولمَگی ایله گولور او

آغزین بوزَنده بوزور
بو بوردا رقص ائله ییر
کورپه جیک اوردا سوزور

اوزادیر الین اونا
اوشاق اونلا ال وئریر
دایاندیقدا دایانیر
بو گئدنده او گئدیر

ایلاهی بو ببه جیک
کیم دیر اوخشاییر منه؟!
دانیشدیقدا دانیشیر
من سوسسام سوسور یئنه

گاه گیزله نیر،تاپیلیر
منله جیی-جیی اویناییر
بو اوشاق کیمدیر اللاه
قانیم بونا قایناییر

من قاچاندا قاچیر او
ییخیلاندا آغلاییر
گوره سن اونون اوفون
آناجانی باغلاییر؟!

اونا دئییر:آغلاما
یئکه لر ییخیلانلار؟
قورخاق اوشاقی یئیه ر
چوللوک ده کی خوخانلار؟

او تایینا باخیرام
یوخدو اوردا ببه جیک
کئشگه گله اوینایاق
منیله بیرگه ائوجیک