کولت. آذربایجانین گنج و تانینمیش شاعری جلیل جاوانشیرین شعرینی تقدیم ائدیر:

هامیدان، هر شئی دن ناراحات ایدیم
یئنه دیری-گؤزلو آچدیم سحری،
سنده بیراز یوخدون... نه یالان دئییم
دوروب قوجاقلادیم خاطیره لری.

داریخدیم، اؤزومه بیر چای دمله دیم
چاییم فینجانیمدا سویودو آتدیم
الیمی گئجه نین گؤزونه سوخوب
مینلرله داریخان اولدوز چیخارتدیم

آغلادیم، ائیواندا سیقارئت چکدیم
قاییتدیم یاتاغیم سویویوب یئنه
سیخدیم دیشلریمی، گؤزومو یومدوم
سونرا ساکیت-لشدیم، حاق وئردیم سنه

سن هاردان بیله-سن، بو گئجه لرده
سویوق دووارلارا دانیشماق نه-دیر؟
سن هاردان بیله-سن هامیدان قاچیب
عذابلی تک لیگه قوووشماق نه-دیر؟!
(بلکه ده هامیسی بوش بهانه دیر)

هامیدان، هر شئی دن ناراحات ایدیم
یئنه دیری-گؤزلو آچدیم سحری
سنده بیراز یوخدون... نه یالان دئییم
دوروب قوجاقلادیم خاطیره لری

جلیل جوانشیر