Axar.az
یوخاری
9 دکابر 2019


گل ایندی خاطیرلایاق بوتون اولانلاری بیز- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ علی‌آغا کورچایلی‌نین "یادینا دوشوره‌م‌می؟" آدلی شعیرینی تقدیم ائدیر

قالدی آرخادا آرتیق عؤمرون خوشبخت ایللری،
ایندی منیم الیمه دیمز سنین اللرین.
سؤیله هردن اسنده سویوق پاییز یئللری،
داغیلان‌دا اوزونه او پریشان تئللرین،
دئییرسنمی اولایدیق عشقین گنجلیک یازین‌دا؟
هئچ اولماسا خیالین دومانلی آیناسین‌دا
سنینله بیر آنلیغا گلیب گؤروشورم‌می؟
یادینا دوشورم‌می؟

سعادت فورصتینی قاچیرتدیق سن ده، من ده،
اونو کؤهله‌ن آت کیمی سالمالییدیق کمه‌ن‌ده،
هردن سئودا یولونو آزیب دومان‌دا، چن‌ده،
سنه اومید وئره‌جک بیر ایشیق گؤرمه‌یه‌ن‌ده
بلدچی اولورام‌می جیغیرلار آراسین‌دا؟
هئچ اولماسا خیالین دومان‌لی آیناسین‌دا
سنینله بیر آنلیغا گلیب گؤروشورم‌می؟
یادینا دوشورم‌می؟

گل ایندی خاطیرلایاق بوتون اولانلاری بیز،
اؤزوموز یازمالییکه‌ن حکمو بیز، قراری بیز،
طالعین اللرینه وئردیک ایختیاری بیز،
گناه کیم‌ده‌دیر گؤرن؟ من بیلمیرم! باری بیز
بیر نیشانه قویمادیق خاطره دونیاسین‌دا.
هئچ اولماسا خیالین دومان‌لی آیناسین‌دا
سنینله بیر آنلیغا گلیب گؤروشورم‌می؟
یادینا دوشورم‌می؟

تاریخ
2019.08.06 / 14:43
مولف
آینوره مممدووا
شرح لر
دیگر خبرلر

گلدی ایام رقابت خالق مین وای حالینا...

گؤیرچین قیزلار- حکایه‌

بیلمه‌م بو نازنین کیمین ایستکلی یاریدیر؟- غزل

تورکون تؤکوله‌ن قانلاری بیهوده گئدرمی- شعیر

طالع گئتدی،باخت اوجالدی- شعیر

دیل اؤیردیب منیم آنام...

سئودیگیم آیلی اولدوزلو سَمایه باخسین- شئیر

تبریزین جیلدینه گیریر مشروطه چاغیم - شئیر

آزاد اولماق اوچون یاشاتدیم- شئیر

عمروم-گونوم یالان منیم، پوچ منیم - شعر

خبر خطّی
 
Axar.az'da reklam Bağla
Reklam
Bize yazin Bağla