کولت. آذ گونئل رجبین "داریخماغین رنگی" آدلی شعیرینی تقدیم ائدیر:

سنه حسرت پنجره‌م‌دن

بویلانیرام حسرتینله.

توخونورام سنسیزلیین

شفاف سویوق‌لوغونا.

قوندورورام پنجره‌مه

بدنیم‌ده دونوب قالمیش

دوداغیم‌دا یووا سالمیش

داریخماغین آل-قیرمیزی رنگینی.

داریخیرام بولود کیمی

گؤیدن یاغان آغ قار کیمی.

دنه-دنه یاغیرام

بو شهرین جانینا.

داشا دؤنموش قلبی‌نین

مین چالارلی بوزو کیمی

بو شهرین یوللاری

گتیرمه‌دی سنی منه.

داریخیرام یوللار کیمی

بو شهری سئومیرم.

بو شهرین یوللاری

گتیرمه‌دی سنی منه.

داریخیرام بیر کؤینیین

دنیز ماویسی قدر.

ساحلینه جان آتان

چیلغین دالغالار قدر.

فصیللر دییشمیر

سن گئدن گوندن

سویوق قیش فصلینه

قاییدیرام من.

داریخیرام گونش کیمی

داریخیرام، ایسیت منی.

گولوشومون رنگینی

گئری گتیر، سئوگیلیم.

ییغیب بوتون رنگلری

شهریمه گل، سئوگیلیم...