Axar.az
یوخاری
21 یانوار 2020


تورپاغی قورویوب، تورپاق‌دا دینجه‌لن جنازه‌لره - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ رسول رضانین "ارک قالاسی- تبریز- گؤزل شهر!" آدلی شعرینی تقدیم ائدیر:

ووروش‌دولار:

سون گولله‌یه،

سون سونگویه،

سون قونداغا قدر.

ووروش‌دولار:

هر شئی قیرمیزی گئیدی،

داش‌دان تورپاغا قدر.

ووروش‌دولار:

آلت دوداق‌دان

اوست دوداغا قالخا بیلمه‌ین

سسه قدر.

ووروش‌دولار:

اونلاردان یئددی دفعه -یئتمیش قات

آرتیق اولان،

سونگولری نارین داراق دیشی کیمی

سیخ اولان دوشمن‌له.

یارالیلار اوفول‌دامادی.

جان وئره‌نلر اینله‌مه‌دی،

سوسوزلار «یاندیم» دئمه‌دی.

اؤپدو قوروموش دوداقلاری

قان هوپموش تورپاغی.

یارالارینا باسدیلار

قان رنگ‌لی بایراغی.

نه دوشمه‌ن اونلاردان

بیر آمان سؤزو آلا بیلدی،

نه بو اؤلومو یاغی دوی‌دو،

نه قالا بیل‌دی.

سؤیکنیب قالا دیوارینا

اؤلدولر آیاق اوسته،

چیین-چیینه،

اولدوزلار شاهید اولدو

بیر سیرادا دایانمیش

اؤلولرین قاباغین‌دان

یوز یئره بؤلونموش دیریلرین

چکیلدیینه.

اؤلدولر آیاقلارینین آلتین‌دا

وطن تورپاغی.

باشلارینین اوستون‌ده

وطن اولدوزلاری.

کؤنول‌دن-کؤنوله کئچدی

اومیدلری، آرزولاری.

گئجه آغیر- آغیر کئچدی

جنازه‌لرین اوستون‌دن:

کئچ‌دی گئت‌دی یولو سحره.

گونش شفق‌دن بیر اؤرتوک چکدی

تورپاغی قورویوب، تورپاق‌دا دینجه‌لن

جنازه‌لره.

تاریخ
2019.08.10 / 15:59
مولف
آینورا مممدووا
شرح لر
دیگر خبرلر

آغلا، داغلار یومشالسین- شعیر

بایاتی اوستاسی ساری آشیغین، سئوداسی

بو یولو یالقیزجاسینا گئتمک اولمازدی...- اؤیکو

بالامی‌ تاپماسام یولا دوشمه‌رم. من بالامی‌آختاریرام -حکایه‌

او گونلرده سورکلی ایزله‌نیردیم، اوساندیم - شعیر

اوشاق گؤزلریندن اینجی کیمی سوزولن یاش لاری...

هاچان باللاشاجاق آجیلاریمیز؟... - شعیر

سانما یوخلوغوندا پاییز آخشامینا دوندو اودام - شعر

«قار دنه‌سی» - آرازدا بوغولان یازارین حکایسی

اورمو گولو باياتيلاري

خبر خطّی
 
Axar.az'da reklam Bağla
Reklam
Bize yazin Bağla