یوخاری

زینقیرو حیکایه توپوموم دان- حیکایه

آنا صحیفه ادبیات
12 Punto 14 Punto 16 Punto 18 Punto

قاپی دا قارا ایت اولانا دک

بلک اوشاق نوخود سیچار!

مشه ایرضانی قونشو کندلرینه اؤلو خرجینه چاغیریرلار .مچید ده خرجی یئدیکده آغزی قیزیشیر و او کندین آغ ساققال لاری ایله دانیشیغا باشی قاریشیب بیرآنلیق واقتین قارالماسین دویدوق‌دا اؤز کندینه قاییتماغی قصد ائدیب اونلارلا ویداعلاشماق ایسته ییر؛ آما کندلی لر ایذن وئرمه ییب دئییرلر اؤلن كيشى نين اوغلو دئييب بو گئجه نی گرک قالیب بیزه قوناق اولاسان!

بو اوزدن مشه ایرضا نی او ائوه ساغلیق وئریر لر.

ائوصاحاب مشه ایرضانی چوخلو حورمتله قارشیلاییب ائوینه چاغیریر!

گئجه چاغی یئتیشدیکده ائوصاحبی شام اوچون، آتاسی نین خرجیندن قالان نوخودلو ات شورباسین قاباغا گتیریر

مشه ایرضا قاباغا چئکیلیر و دویونجاق اوندان یئییر!

یوخو واقتی چاتیب مشه ایرضا نین یاتاق یئرین ائوین بیر گوشه سینده سالیرلار.

گئجه نین بیر واقتی، مشه ایرضا سانجی دان یوخودان آییلیر.

کئچمیش زامان دا کندلرده هر ائوده توالت اولمازدی ، یانی هر کوچه ده بیر توالت سالاردیلار و اوردان کئچن و کوچه نین اهلی ده اوردا اؤزلرین راحاتلاشدیرارمیشلار.

بو اوزدن مشه ایرضا ائوین حیطینه چیخیر و توالت آختاریب تاپمادان ، حیطین بیر گوشه سینده دولو آفتافانی گؤتوروب ائوین قاپیسین آچیر تا کوچه ده کی توالته گئتسین!

قاپی نی آچماق همان ائوین قارا ایتی بونا قاباق چیخیب , دیش لرین آغاردیب میریلداییر.

مشه ایرضا قورخودان حیطین قاپی سین کیپ باغلاییب یاتاق یئرینه قاییدیر.

او آندا سانجی بونون دده به دده سین یاندیراراق دورور ائوین خیردا اوشاغی نین یئرین آچیر و اونون بلگینه اؤزون راحلاشدیریر و یئرینه قاییدیر یاتیر.

صاباح صوبح یئتیشیر....

ائو صاحیبین آروادی مشه ایرضا نین حوضوروندا ارینه دئییر : اوشاق یئرین دون گئجه باتیرمیش دیر ، بایاق یووا یووا گؤردوم اوشاق نم ندن نوخود سیچیب!

ائوین کیشی سی دئییر میه اولار سودامر اوشاق نوخود سیچسین!

آرواد دیله گلنه مشه ایرضا اوجا سس له دئییر: (هه اولار ؛ دئمک اوزامانا دک کی قاپینیزدا قارا ایت وار اوشاق دا نوخود سیچار!)

یئنی چاپا حاظیرلانمیش زینقیرو حیکایه توپوموم دان( آذربایجان خالق حیکایه لری)

تاریخ
2020.04.27 / 16:18
مولف
بهزادبیات‌فرد
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla