یوخاری

من خزرین ساچلارینا وورولدوم... - شعر

آنا صحیفه ادبیات
12 Punto 14 Punto 16 Punto 18 Punto

کولت. آذ گونئی آذربایجان‌لی شاعر دومان بختیارینین شعرینی تقدیم ائدیر:

هاوا آغیر
داغ دومانلی
زیروه چن
یوللار سوسوب نه گلن وار نه گئدن
بیر یئل اویاق
بیر پنجره
بیرده من
سینیب منیم پنجرمده بیر دنیز
توپراق یاسلی گول یاسلییام بیلیرسیز

من خزرین ساچلارینا وورولدوم
ساحیل -ساحیل ،چیب جالاندیم دورولدوم
گوزگولرده یول گؤزله دیم یورولدوم
سینیب منیم پنجرمده ...بیر دنیز
توپراق یاسلی
گول یاسلییام
بیلیرسیز

یایلیغیمی یاماجلاردا ایتیردیم
اللرینی سطیر - سطیر گؤتوردوم
بیر آلمادا سئوگیمیزی بیتیردیم
سینیب منیم پنجرمده بیر دنیز
توپراق یاسلی گول یاسلییام بیلیرسیز

آ.......ه چکیلیر
ک و ن ا ه
ی
ا
غ
ی
ر
شعریمه
گئت پاییزی قوناق چاغیر شعریمه
هئچ اولماسا دور گل باغیر شعریمه
سینیب منیم پنجرمده بیر دنیز
توپراق یاسلی گول یاسلییام بیلیرسیز

بیر کپنک گؤزلریمی قوپاردی
قاناد چالیب ، قایالاردان آپاردی
منی گزن ،
آختاراردی تاپاردی
سینیب منیم پنجرمده بیر دنیز
توپراق یاسلی
گول یاسلییام
بیلیرسیز

تاریخ
2019.08.14 / 10:36
مولف
آیتاج آراز
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla