یوخاری

آی کیشی آز غصه یئه.اللاه کریم دیر. روزی یئتیرندیر- حکایه‌

آنا صحیفه ادبیات
12 Punto 14 Punto 16 Punto 18 Punto

کولت. آذ سحر خیاوینین " نیشان اوزویو" آدلی حکایه‌سینی تقدیم ائدیر:

آتا ملیل-موشکول دیزلرینی بارماقلاری ایله داراقلاییب اوتورموشدو.ائله فیکیره غمه دالمیشدی سانکی گمی لری غرق اولوب.بو گون ده فهله مئیدانیندا ایش تاپمازدان قولو قیچیندان اوزون ائوه قاییتمیشدی.عائیله سیندن شرمنده اولموشدو.

قونشو توکانلاری داها اونو بورجونا خاطیر جاوابلامیشدیلار.

قادین بیر ایستیکان چای قاباغینا قویوب قنشرینده اوتوردو.

-آی کیشی آز غوصصه یئه.اللاه کریم دیر.روزی یئتیرندیر.(بو اوره ک وئرمک اوچون همشه کی سوزویدو).

کیشی بیر درین آه چکیب کوینک جئبیندن بیر سیگارئت چیخاریب چاخماق ایله آلیشدیردی.

دینمَز-سویله مز توستونو ایچری چکیب سونرا ائشیگه پوفله دی.توستونون قیوریق اویناماسینا باخدی.

قادین چاره سیز ساغ الینی سول الی نین اوستونه چکیب،تکجه یاراشیقی اولان نیشان اوزوگونو بارماقیندان سیویردی.کیشی نین اووجونو آچیب،اوزوگو اووجونا باسیب بارماقلارینی یومدو.

کیشی آغیزینی آچدی بیر سوءز دئسین.امما قادین مشق یازان ائکیز قیزلارینا باخاراق، الینی سوس علامتینه دوداقلارینا قویوب،کیشی نی سوکوتا چاغیردی.

بو اولای قیزلارین ایتی گوزوندن یان قالمادی.اونلارین گوزلری کیتاب-دفترلرینده اولسادا، قولاقلاری آتا آنالاریندایدی.

قیزلار بیربیرینه گوءز ائله ییب بالاجا صاندیقخانالارینا گیردیلر.بو کیچیک اوتاقا آنالاری یورغان- دوشک ییغیردی.هم ده ایکی قیزین یاتاق اوتاقیدی.

ایکی باجی قاپینی اورتوب خیسین- خیسین دانیشدیلار.قرارا گلدیلر دخیللرینی سیندیریب پولونو آتالارینا وئرسینلر.اونلار بو پولو نه واختدان ییغمیشدیلار اوزلرینه چکمه آلسینلار.هله لیک آتالارینین بورجونو اووده یه بیلردی.

سئوینجک اوتاقدان چیخیب تصمیملرینی آتالارینا دئدیلر.

-آتاجان بیز بورجلارینی اووده یه جه ییک،امما بو شرطیله کی آنانین بارماغینا گلینلیگی کیمی نیشان اوزوگو تاخاسان بیز باخاق.

-آتا‌ گولومسونوب اووجونو آچدی.نیشان اوزوگون گوتوروب آنانین سول الینده اوزوک بارماقینا تاخدی.سونرا قوللارینی بوینونا ساریب مهربان قادینینین یاشلی یاناقلاریندان اوپدو.آنانین قیزلیغی کیمی اوتانجدان یاناقلاری آلما کیمی قیزاردی.

قیزلار کِل چکیب اوره کدن گولوشدولر.موبارک...موبارک دئییب،آتا آنالارینین اوزلریندن،اللریندن اوپدولر.

آتانین دا سئوینجدن گوزلری یاشارمیشدی.یوخسول اولسالاردا ایستی قانلی و محبتلی عائیله لرینه خاطیر آللّاها شوکور ائدیردیلر.

تاریخ
2019.08.15 / 11:33
مولف
آینورا مممدووا
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla