کولت. آذ آشیق قوربانی‌نین " بنؤوشه‌نی" آدلی شعیرینی تقدیم ائدیر:

باشینا دؤندویوم آی قشنگ پری،
عادت‌دی، دررلر یاز بنؤوشه‌نی.
آغ نازیک علینله در، دسته باغلا،
تر بوخاق آلتین‌دا دوز بنؤوشه‌نی.

تانری سنی خوش جامالا یئتیرمیش،
سنی گؤرن آشیق آغلین ایتیرمیش،
ملکلرمی درمیش، گؤی‌دن گتیرمیش؟
حیف کی، دریبلر آز بنؤوشه‌نی.

باشینا دؤندویوم، باغا گل، باغا،
او گؤزل حوسنون‌دن باغا نور یاغا.
دسته-دسته دریب تاخار بوخاغا،
بنؤوشه قیز ایلر، قیز بنؤوشه‌نی.

سحر اولجاق شئی‌دا بولبول اوخوش‌دو،
حؤکم اولوندو، سولیمانلار یئریش‌دی،
سرت قیش گلدی، گولون واختی سوووش‌دو،
داها ایله‌میریک بیز بنؤوشه‌نی.

قوربانی دئیر: کؤنلوم بون‌دان سایری‌دی،
نه ائتمیشه‌م یاریم من‌دن آیری‌دی؟!
آیری‌لیق‌می چکیب بوینو ایری‌دی؟!
هئچ یئرده گؤرمه‌دیم دوز بنؤوشه‌نی.