Axar.az
یوخاری
18 فئورال 2020


اَیری‌لیک ساییلیر، فراست، الله - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ بختیار واهابزادنین شعیرینی تقدیم ائدیر:

قورخو کؤلگه‌سینه سیغینمیش بو گون
صداقت، دیانت، محبت، الله.
یالان حاکم اولوب، بهتان گؤزتچی،
چورویور زیندان‌دا حقیقت، الله.

اَیری اَیریلیگی یئری‌دیر داشا،
کئچیب ایری‌لیک‌ده هامی‌دان باشا.
دوغرو حسرت قالیب ایستی بیر آشا،
گؤره‌ن هارا گئدیر بو میللت، الله.

هفته‌لر دییشدی، گونلر دییشدی،
طرفلر دییشدی، یؤنلر دییشدی.
قیبله‌لر دییشدی، دینلر دییشدی،
ایته اوت وئریلیر، آتا ات، الله.

عنوانی دییشیب رذالتین ده،
قایماق دا ساتیلیر شور قیمتین‌ده.
ایندی صداقتین سلطنتین‌ده،
ایلشیب حؤکم ائدیر خیانت، الله.

ها چیغیر، ها باغیر، یالان آییلماز،
یاخشینی یامان‌دان آییران اولماز.
ساتسان، اوزونه ده باخان تاپیلماز،
نئجه اوجوزلاشیب لیاقت، الله.

یالانلار حقیقت قیافه‌سین‌ده،
یکلر جؤولان ائدیر شش خانه‌سین‌ده.
اوغرولار، اَیریلر زمانه‌سین‌ده،
اَیری‌لیک ساییلیر، فراست، الله.

تاریخ
2019.08.16 / 21:20
مولف
آینورا مممدووا
شرح لر
دیگر خبرلر

گئجه ساکیت... دوشونجه‌م ساکیت دئییلدیر فقط - شعیر

سنین کیمی وفالی یاریم اولسایدی، اؤلمزدیم - شعر

تورکلر مشهور مختومقولونو یاد ائدیر

سن‌دن، گؤزلیم، اؤزگه کس‌ده نظریم یوخ‌دور- قزل

بابک تورکون قهرمانی- شئیر

طنز بویوک آغا افندی - حکایه

من صوفیلر یولداشییام... - شاه ایسماییل

کاش سن ده اوشیئیدین بئله مخلوق کیمی... - میرزه علی

آنا، نیسگیل ائدیرم من سنه ساچلار آغاریب...

کاسا دوشدو طاقچادان، داغیلمیشدی ائو ائشیک... - اوشاق ادبیاتی

خبر خطّی
 
Axar.az'da reklam Bağla
Reklam
Bize yazin Bağla