کولت. آذ نیگار رفیبیلینین "سن‌سیز" آدلی شعیرینی تقدیم ائدیر:

بیر سون باهار دا دوشدو

عؤمرومون تقویمین‌دن،

نه سنه محببتیم،

نه حسرتیم آزالدی.

اؤزوم ده هئچ بیلمیرم

نیه بیر عؤمور بویو

گؤزوم اوزاق یوللاردا -

سنین یولوندا قالدی.

بیر قوجامان داغ اولسان

سنی ووروب ییخاردیم.

اورییمدن ان اینجه

تئلی نئجه قوپاردیم؟

دونیادا گؤزل ده چوخ،

گؤزل اورکلر ده چوخ.

شیرین-شیرین آرزولار،

اینجه دیلکلر ده چوخ.

بیر سن اولدون کؤنلومون

یاخین دوستو، همده‌می.

سن اولمازسان توتمازدی

بلکه الیم قلمی.

سن اولمازسان باهارین

یازین اتری اولمازدی.

سن اولمازسان بیر دونیا

سئوینج بئله چوخ آزدی.

باهارین چیچکلری

آچیب سولماسین سن‌سیز.

عؤمروم سن‌سیز اولماسین،

شعیریم اولماسین سن‌سیز...