یوخاری

گؤزو آغلایان‌دا قلبی گولورموش!..- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ مممد آرازین "آغلاما، قورخورام گؤز یاشلارین‌دان..." آدلی شعیرینی تقدیم ائدیر:

یئنه گؤزون دولو، اوریین دولو،

تسل‌لی سنین‌دیر، گیلئیلر منیم.
واللاه، اؤز ایچیم‌ده اؤز دردیم دونور،
واللاه، بو گیلئیلر کول ائیلر منی.

گؤزون‌دن اووجونا آرخ آچدین، یئتر،
ال آتسان، چیچکلر سولار، قورویار.
اوزونون یانغی‌سی اوجاق‌دان بئتر،
بولودلار قورویار، سولار قورویار.

من ندن یاپیشیم، ندن بارینیم،
گؤزلرین واریثی گؤز یاشلاریدیر.
قادین زینتینین، قادین وارینین
اوجوز میرواری‌سی گؤز یاشلاری‌دیر.

هله دوستلاریم وار- الی قولوم‌دا،
بیر درده ایتییه‌م، بیر درده توشام.
گئجه‌دن گوندوزه گئدن یولوم‌دا
بو گؤز یاشلارینا چوخ اودوزموشام.

گؤردوم گولوشون‌دن گولاب یاغانی،
بیر گؤزو قیزیل‌دی، بیر گؤزو گوموش!
دویدوم بیر مقام‌دا او آغلاغانی،
گؤزو آغلایان‌دا قلبی گولورموش!..

دردیله، غمیله قوشا یاتدیغیم
او نئجه قفس‌دی، او نئجه سس‌دی.
بودره‌ییب آشان‌دا ال اوزاتدیغیم
دیکلیب قالخان‌دا الیمی کس‌دی.

ییخیلدیم، ییخانا قهمر دوردولار،
او گؤز یاشلارینا ایناندیقلاریم.
گؤزوم‌ده هؤرومچک تورو قوردولار،
او گؤز یاشلارینا ایناندیقلاریم.

قوی بئله نه اودوم، نه کؤزوم اولسون،
آییل بو تعنه‌لی سؤز داشلارین‌دان.
گؤتور گؤزلریمی، دؤرد گؤزون اولسون،
آغلاما، قورخورام گؤز یاشلارین‌دان.

هله دوستلاریم وار- الی قولوم‌دا،
بیر درددن اوزاغام، بیر درده توشام.
گئجه‌دن گوندوزه گئدن یولوم‌دا
بو گؤز یاشلارینا چوخ اودوزموشام...

تاریخ
2019.08.22 / 19:09
مولف
آینورا مممدووا
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla