آنا صحیفه ادبیات |
کولت. آذ نبی خزرینین "قادینسیز ائو" آدلی شعیرینی تقدیم ائدیر:
چیینلرده یئرین-گؤیون قمیدیر،
آه چکیرسن آسیمانا یئتیشیر.
قادینسیز ائو —
توفانداکی گمیدیر،
او نه باتیر، نه لیمانا یئتیشیر.
هر آغیر درد فاجعهنین گوجودور،
نه سئوینیب، نه ده گوله بیلیرسن.
قادینسیز ائو —
خستخانا کونجودور،
نه دیریلیر، نه ده اؤله بیلیرسن.
فلاکتده نئچه-نئچه سیرر یاتیر،
سنی ییخیر، پولاد کیمی او سینمیر.
قادینسیز ائو —
گونشسیز بیر دونیادیر،
نه اود یانسا، قیزینمیر کی، قیزینمیر.
سن بیر قوشسان، روحون سینمیش قاناددیر،
هئچ باخما کی، کولک سرین، مئه ایلیق...
قادینسیز ائو —
اولدوزسوز کایناتدیر،
همدهمیندیر سوکوت ایله قارانلیق.
ائی کیشیلر!
سئوگینیزی ازیزلیین جاهاندا،
قادینلیغین سداقتدیر ایلک آدی.
وای او گوندن —
اؤمرون آخیر آنیندا،
گؤزونوزو قاپایان دا اولمادی!
تاریخ
2019.08.24 / 18:31
|
مولف
آینوره مممدووا
|