اورمییا کومانداسی فینالا یوکسلدی
12:36
آنا صحیفه ادبیات |
کولت. آذ نصرت کسمنلینین "بلکه بو تصادف..." آدلی شعیرینی تقدیم ائدیر:
بیزی گؤروشدوروب نیگاران یوللار،
یوللار اورک کیمی بوشالار، دولار.
اللهین ایشینی نه بیلمک اولار،
بلکه بو تصادف محبت اولدو.
بلکه تانری پاییم، کؤنول روزومسان،
بلکه ده تانرییا چاتان سؤزومسن.
بلکه ده سن منیم آلین یازیمسان،
بلکه بو تصادف محبت اولدو.
یارانان اولفتی سن کسمه هله،
تالع قیسمتیندن سن کوسمه هله.
الویدا دئمهیه تلسمه هله،
بلکه بو تصادف محبت اولدو.
اورییم آز قالیر سینمده اوچا،
همدم آرامیشام عؤمور بویونجا.
قوی بیر ده اوزونه باخیم دویونجا،
بلکه بو تصادف محبت اولدو.
اؤتری تانیشلیق بیر عادت دئییل،
ائله هر سئوگی ده سعادت دئییل،
بیلیرم هر گؤروش محبت دئییل،
بلکه بو تصادف محبت اولدو.
تاریخ
2019.09.03 / 18:31
|
مولف
آینورا مممدووا
|