آنا صحیفه ادبیات |
کولت. آذ نوسرت کسمنلینین "بهانهسیز گئت..." آدلی شعیرینی تقدیم ائدیر:
گئتمک ایستییرسن بهانهسیز گئت!
اویاتما مورگولو خاطرهلری
سسین همین سسدیر، باخیشین اؤگئی
گئدیرسن سسین ده یاد اولسون باری...
سن دنیز قوینونا توللانمیش چیچک
اوستونه دالغالار آتیلاجاقدیر
ساختا محببتین،ساختا سند تک
نه واختسا اوستونه توتولاجاقدیر.
دئمیرم سن اوجا بیر داغسان اییل،
دئمیرم الاجیم غالیبدیر سنه،
نه سنده محبت پول دئییل،
نه منده دیلهنچییهم ال آچیم سنه.
دؤشهنیم یوللار تک آیاقلارینا
سنه یالواییم من، بو مومکون دئییل.
قویمارام قلبیم تک ووقاریم سینا
آلچالیب یاشاماق اؤمور-گون دئییل.
گئتمک ایستییرسن او یول او دا سن
بیر جوت گؤز باخاجاق آرخانجا سنین.
گئتدینمی گئرییه دؤنمک ایستهسهن
تیکانلی یاستیغا دؤنهجک یئرین.
گئتمک ایستییرسن نه دانیش، نه دین...
یاخین یول اوزاقلار،دوماندا-چنده.
نییمی سئومیشدین دئیه بیلمدین
ایندیسه یوز ائییب گؤرورسهن منده…
گئتمک ایستییرسن بهانهسیز گئت!
اویاتما مورگولو خاطرهلری.
سسی همین سسدیر، باخیشین اؤگئی
گئدیرسن، سسین ده یاد اولسون باری...
تاریخ
2019.09.12 / 15:21
|
مولف
آینورا مممدووا
|