کولت. آذ جعفر جاببارلینین "من بیر سوسماز دویغویام کی..." آدلی شعیرینی تقدیم ائدیر:

من بیر سولماز یارپاغام کی، چیچکلری بزره‌م،

من بیر سوسماز دویغویام کی، اورکلری گزره‌م.

من سنینچین عمروم بویو جفالارا دؤزرئم،

سن‌سیز گوللر آچیلماسین، آخار چایلار دایان سین،

اوخو، بولبول، بلکه یاریم اویان‌سین!..

من بیر سؤنمز اولدوزام کی، دایم ایشیق ساچارام،

من بیر اویناق بولبوله‌م کی، گول‌دن-گوله اوچارام،

من بیر ساق‌لی عالمه‌م کی، سئوگیلردیر آچارام.

سن‌سیز گونش گؤرونمه‌سین، قارالارا بویان‌سان،

اوخو، بولبول، بلکه یاریم اویان‌سین!..

من سنینچین شفقلردن سوس‌لو بیر تاج یاپارام،

یول وئر منه، گول درمیشه‌م، سئودیگیمچین آپارام!

آرار، آرار، آرار، آرار، آخیر سنی تاپارام؛

سن‌سیز سولسون گؤی یارپاقلار، آخار سولار بولان‌سین،

اوخو، بولبول، بلکه یاریم اویان‌سین!..