Kult.az خلیل رضا اولوتورکون "اشیتسم گلیرسن.." آدلی شعیرینی تقدیم ائدیر:

ائشیتسم گلیرسن، دؤنرم یئله،
اؤپرم مبارک قدملرینی.
ایچره‌م بنؤوشه کیرپیکلرین‌دن
آسیلان میرواری شبنه‌ملرینی،
اؤپره‌م موبارک قدملرینی.

ائشیتسه‌م گلیرسن، اوچارام، اینان،
پنبه بولودلارلا قوجاقلاشارام.
آچارام کؤکسومو یئددی ایقلیمه.
دلی چایلار کیمی آشیب-داشارام.
پنبه بولودلارلا قوجاقلاشارام.

ائله بیر گولسه‌ن کی، عمور باغیم‌دا
سنی نفسیمله بسلمیشم من،
غنچه باغلاچیسان گؤز قاباغیم‌دا،
سنی دان یئرین‌دن سسلمیشه‌م من.
سنی نفسیمله بسلمیشه‌م من.

ائشیتسه‌م گلیرسن، چیخارام یولا،
بوتون یوللار بویو گوللر اکره‌م،
ایکیمیز بیر قلبده یاشایاق دئیه،
سنه قلبیم بویدا بیر ائو تیکره‌م،
بوتون یوللار بویو گوللر اکره‌م.

من – ائو‌م، سن منیم اود-اوجاغیم‌سان،
باغبانام، سن منیم بارلی باغیمسان
من داغ بولاغییام، سن بولاق‌لی داغ،
دونیادان ان بؤیوک اوماجاغیمسان.

اورییم او قدر یانیق‌دیر کی،
آز قالا قانادلی بیر قوشا دؤنه‌م،
سنین تئللرینه دوزولمک اوچون،
یاغیشا، زومروده، داش-قاشا دؤنه‌م.
آز قالا قانادلی بیر قوشا دؤنه‌م.

گورشادلا، باهارلا، یا قاتارلا گل!
هر بیر قدمینی کؤنلوم ایزلییر.
یوز-یوز، میلیون-میلیون دالغالارلا گل،
سنی ساحل‌ده بیر قایا گؤزلییر،
هر بیر قدمینی کؤنلوم ایزلییر.