کولت. آذ گؤرکملی آذربایجان‌لی غزلخان ، شاعر علی آغا واحیددن بیر غزل تقدیم ائدیر:

سئوگیلیم، عشق اولماسا، وارلیق بوتون افسانه‌دیر،

عشق‌دن محروم اولان اینسانلیغا بیگانه‌دیر.

سئوگی‌دیر، یالنیز محبت‌دیر حیاتین جوهری،
بیر کؤنول کی، عشق زؤوقون دویماسا، غمخانه‌دیر.

من اسیری-عشقییم اؤز خالقیمین، اؤز یوردومون،
سئومه‌یه‌ن اؤز خالقینی، اؤز یوردونو دیوانه‌دیر.

قوی وطن دایم ایشیقلان‌سین گؤزل بیر شمتک،
کؤنلوم اول شمعین ضیاسین سیر ائد‌ن پروانه‌دیر.

نازه‌نین، رعنا گؤزللردیر - باخیرسان هر یانا،
بس بو تورپاق ایندی بیر جنت دئییل، آیا، ندیر؟

اؤلکه‌میزده گؤر نلر وار، باشقا بیر آلمدییک،
هر چیچک بیر نازنین، هر غنچه بیر جانانه‌دیر.

واحده‌م من، سئوگیلیم، من‌دن خیانت گؤرمه‌سه‌ن،
شاعره‌م، عشقیم ده اؤز قلبیم کیمی مردانه‌دیر.