Axar.az
یوخاری
21 اوکتیابر 2019


هله ده جانی وار، بؤیوک دنیزلره حاکم‌لیک ائدیر - افغان شاعری

آنا صحیفه ادبیات
12 Punto 14 Punto 16 Punto 18 Punto

کولت. آذ افغان شاعری ایلیاس الوینین شعیرینی اومید نجارینین ترجمه‌سین‌ده تقدیم ائدیر:

ایبراهیم، سن غملری قیرا بیلمزسه‌ن

و بالتانی ان بؤیوک غمین اوستونه قویوب

سونرا اللهینلا بیرلیکده گوله بیلمزسه‌ن.

سن یالنیز "اوکانول"دا کیچیک بیر رستورانی

سوپوره بیلرسه‌ن

و هردن بیر قیزجیغازا گؤز وورا بیلرسه‌ن.

یوخ، من همین ایلیاس دئییله‌م کی،

هله ده جانی وار

و بؤیوک دنیزلره حاکم‌لیک ائدیر.

من یالنیز بونو ائده بیلره‌م کی،

دپرسییا درمانلاریمی اونوتمایام.

و موغایات اولام کی،

سرخوشلوغوم شهرین اطرافینا یولوخمایا.

قارانلیغین داوامی وار

گل دوداقلاریمیزی یاندی‌راق.

سرگردان روحوموزو گؤی اوزونه گؤنده‌رک

بولود اولسون

یاغسین

و بیزی داریخان قاریشقاجیقلار تکی

ایچین‌ده بوغسون.

بلی...

گرک هردن خیالپرست اولام.

ایبراهیم،

بیز کیتاب‌سیز، چؤرک‌سیز،

مکتوب‌سوز پئیغمبرلریک کی،

سحرلری گئجه‌نین آج قوینون‌دا

یوخودان آییلیریق.

آلنیمیزین قیریشلارینی اوتولییریک

و قونشونون خوشبخت ایسماییلینا گولومسییریک

بلی...

یاخشی اولار، هردن یالان دانیشاق!

دنیزه باخدیغین‌دا

دنیز ده سنی ایزلییر.

یاخینلاشما،

قورخورام،

اولا بیلر قوللارینی آچیب

سنی اؤزو ایله آپارماق ایستیر.

تاریخ
2019.09.19 / 16:56
مولف
آیتاج آراز
شرح لر
دیگر خبرلر

سؤیله، ای بوزقوردلارین یاشیل دیاری، سؤیله! - شعیر

نه یامان تئز کئچیر" دئییرم، ایللر...- شعیر"

واهید آذربایجان اولسون! - شعیر

"نییه چیخدیق یولا بیز؟!"... - سحر خیاویدن شعر

موستقیل آذربایجانین ان یاخشی رومانلاری - سیاهی

قیزیل ایرماق کنارین‌دا قادینلار گؤردوم - شعر

یوخ، داها عمروم‌ده آچیلماز او یاز،- شئیر

کوسمئک؛ سئنی سئویوروم’دور - شعر

یوسیفی میصرده گر آلدی زولیخا نقده... - ناتوان‌دان

گؤزلریم‌ده گؤرونور هر آغرینین ال ایزی - شعر

خبر خطّی
 
Axar.az'da reklam Bağla
Reklam
Bize yazin Bağla