یوخاری

باخ گؤر بیزی هاردان، هارا چکدیلر !! - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ گونئی‌لی شاعر صابیردن بیر شعیر تقدیم ائدیر:

زامان ظالیم اولدو، فلک حیله کار
دوتوب یاشاییشی ، دارا چکدیلر
بیری چالان اولدو، بیری نغمه کار
ظفر میضرابینـی ، تارا چکدیلر

بولبولون گؤزلری،گؤرنده چاش پاش
سومبولون یئرینه،اَکیلدی خاشخاش
ڪدر دَفتَر آچـدی،دَرد اولدو ناققاش
گولــون طالعینــی ، خارا چڪدیلر !

کَسسَڪ آغزین آچیب،دئیَنده گیلم
آلاق سسلندی ڪی،منـده بیر گۆلم
یالانچی رسساملار ، الینده قلم
صداقت منظرین ، قارا چکدیلر

لعل توپراق اولاندا، پوستَه کوروشنه
اوتوروب‌مات‌قالدیق،دئمه دیک‌هئچ نه
بیری خنجر اولدو، بیری سه دئشنـه
سوسغـون کؤنول‌لرده یارا چڪدیلر !

نجیـبلر قول اولدو ، گدالار امیـر
جیلیققا آلتیــنـدان ،گئیدیلر دمیر
"صابیر" ، قارنیمیز آج ، الیمیز خمیر
باخ گؤر بیزی هاردان، هارا چکدیلر !!

تاریخ
2019.09.28 / 12:49
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla