کولت. آز رامیز رؤوشه‌نین "بو قاتارین دالینجا باخما..." آدلی شئیرینی تقدیم ائدیر:

منی آلدی سن‌دن، گئت‌دی بو قاتار،
گؤی‌ده بیرجه اوووج توستوسو قال‌دی.
ساچین‌دا علیمین توماری قال‌دی،
اووجون‌دا علیمین ایستی‌سی قال‌دی.

باخما، بو قاتارین دالینجا باخما،
باخما، گؤزلرینی یورونجا، باخما.
قاشلارین آلتین‌دا جوت یارپاق کیمی
گؤزلرین سارالیب سولونجا، باخما.

اوزاق‌دان، یاخین‌دان کئچر بو قاتار،
گئجه‌لر یوخون‌دان کئچر بو قاتار.
گول‌سه‌ن، گولوشونو دوغرایار، بیچر،
آه چک‌سه‌ن، آهین‌دان کئچر بو قاتار.

من گئتدیم، دونیا کی قال‌دی یئرین‌ده.
دونیانین پاییزی، باهاری قال‌دی.
اووجون‌دا علیمین ایستی‌سی قال‌دی،
ساچین‌دا علیمین توماری قال‌دی.