کولت. آذ آذربایجانین نهنگ شاعری نصرت کسمنلینین "اما سئوگیلی اولمایاق..." آدلی شعرینی تقدیم ائدیر:

گل، سئوگی‌لی اولمایاق بیز،
بوتون گونو دانیشاق.
داریخاق بیر-بیریمیزجون،
اما سئوگی‌لی اولمایاق...

بیر-بیریمیزه قاریشاق،
قیسقاناق، کوسک، باریشاق.
بئله‌جه سئوگییه آلیشاق،
اما سئوگی‌لی اولمایاق...

سن باشقاسینا باخما،
من هئچ کیمله دانیشماییم.
گل، عهدی-پیمان باغلایاق،
اما سئوگیلی اولمایاق...

سئوگی‌لیلر تئز آیریلیر،
تئز بیتیرمیش سئوگیلری.
اؤلومه قدر ابدی اولاق،
اما سئوگیلی اولمایاق...

کؤنول اولاق، اورک اولاق،
یاغیش اولاق، کولک اولاق.
محبته اؤرنک اولاق،
اما سئوگیلی اولمایاق...