کولت. آذ آذربایجان‌لی شاعره نیگار رفی‌بیلینین "آیری‌لیق" شعرینی تقدیم ائدیر:

من کی، دویمامیشدیم هئچ وصالین‌دان،
منه ظلم ائلدی یامان آیریلیق.
نه اولاردی بیر گون دوروب یوخودان
گؤریدیم کی، اولوب یالان آیریلیق...

بیز کی، بیر روح ایدیک ایکی بدن‌ده،
او گولوب-سئوین‌سه گولردیم من ده،
وصالین بولبولو اوچوب گئدن‌ده،
داش کیمی قلبیم‌ده قالان آیریلیق.

کیم قییدی دوستلارین باهار ائلینه؟
مهریبان سؤزونه، شیرین دیلینه،
جانانین سازینی آلیب الینه
اغیار میضرابییلا چالان آیریلیق.

من گؤرن‌ده اوردا یاز سهریدی،
خوش نفس بهارین کولکلریدی،
آچیلان آغ بادام چیچکلری‌دی،
ایندی اونلاردیمی سولان، آیریلیق!

گون چیخار، داغلارین اریر قاری،
پوزولماز دوستلارین عهدی، ایلقاری،
کئچر اورک دردی، کؤنول غباری،
گل ائتمه میدان‌دا جؤولان، آیریلیق!