Axar.az
یوخاری
7 اییون 2020


یالقیزلار اؤز یالقیزلیق چرچیوه‌سین‌ده اؤل‌جکلر- شئیر

آنا صحیفه ادبیات
12 Punto 14 Punto 16 Punto 18 Punto

کولت. آز کیان خیاوین "پاییز کولیی" آدلی شئیرینی تقدیم ائدیر:

آه پاییز کولیی آ...ه.

اس اؤزله‌م باغچامیزا،

اس الچاتماز آغاجلارا، قوشلارا، اینسانلارا.

اس یوردومون قوجامان آردیجلارینا،

آردیجیل سلاملار سؤیله یورولمادان.

و لیریک بیر ماهنی اوخو

تایی-اوخشاری تاپیلماز سئوگی‌لیلره.

سؤیله، من ده بیر تانری آردینجا گلمیشدیم بورایا

سؤیله، قیرخ بئش ایل تانری آختاریشین‌دا

گلیب بیر قوجامان آردیج تاپمیشدیم

و بیلمیردیم

اینساندیم‌می، قوشدوم‌مو؟

یاری اینسان یاری قوش.

یوخ‌سا دونیانین ان بؤیوک لیریک دیزگسیدیم‌می؟..

آرتیق آیری‌لیقلار اوزون سوردو، اوزون،

ایللر ۱۳۹۰-جیدا قال‌دی.

آیلار قیزاران آیین‌دا،

گونلر آرا گونون‌ده

و ساعتلارین هامی‌سی

بیزی بون‌دان داها آرتیق یاشاداجاق

قولایجا بیر ۲۴ ساعتا گؤره ایشله‌دی...

آه، پاییز کولیی، آ...ه.

۲۴ ساعت بورجوم وار سئوگیلیمه،

سؤیله، اونو اونوتماسین

سؤیله، قیپقیرمیزی گئی‌سین ناخچیوان بولوزونو

و گئت‌سین کؤلگه‌سینی

تبریزین ترسه ایشله‌یه‌ن ساعتینا سال‌سین.

سونرا آراز قیراغین‌دا

گلن یئل‌ده گئدن یارپاقلاری دوشونسون دورسون،

بیر ده ساری آلما آغاجیمیز یئنه ده بو ایل

بیر تک آلما گتیریب

گؤرورسه‌ن‌می؟

دیمه اونا،

او دا دیمز، یئتیشمز و دوشمز سئوگی یوخلوغون‌دا!

سؤیله، گونون گونورتا چاغین‌دا گل‌سین،

سؤیله، گئجه پالتارییلا گل‌سین آنجاق

و گتیردیی قیپقیزیل کیمیزین

سون ایستکانینی دا اؤزو ایچسین!...

آه پاییز کولیی، آ...ه

قانادسیز قوشلارینین

تورکوسو ده توکه‌نه‌جک،

کؤن‌لو یوخ اینسانلارینین

گؤز یاشی دا قورویاجاق.

یالقیزلار اؤز یالقیزلیق چرچیوه‌سین‌ده اؤل‌جکلر،

اؤلوب-دیریله‌جکلر

و یئنی‌دن یئنه ده یئنی‌دن یئنه

اؤل‌جکلر،

دیریله‌جکلر،

اوخویاجاقلار.

داها سونرا سئوگی اوچون

دونیانین ان بؤیوک لیریک دیزگه‌سی اولاجاقلار

و سوسنبر یارپاقلاری پوزولان چاغ‌دا

بیر کرتینین قیراغین‌دا اوتوروب

سیقارئت توستوله‌ده‌رک آغلایاجاقلار.

باخ، من ایندی آغلاییرام

دیشیم‌دا یاشام آغلاییر، ایچیم‌ده اؤلوم

و هارداسا ایکی کؤهره آراسین‌دا

بیر زینه بولاق چاغلاییر.

آه پاییز کولیی آ...ه

بو آن گؤزلریم دئییل کی،

گؤز یاشلاریم آغلاییر!...

تاریخ
2019.10.08 / 22:57
مولف
Axar.az
شرح لر
دیگر خبرلر

کوسمئک؛ سنی سئویوروم’دور- شعیر

خالق شاعریمیز نریمان حسن‌زاده‌دن گؤزل بیر شئیر-ویدئو

آ......خ پاخیللیق سنه لعنت اولسون ... سنه لعنت اولسون!- حکایه

بو باش او میدانه گل‌سین، گلمه‌سین؟- شعیر

نه شؤهرت نه دؤلت نه آد قالاجاق- شئیر

شیرین رؤیاسینا قوربان اولدوغوم؟- شعیر

بو کرونانی دا دییه‌سن قدرت کور ائله‌ییب، سانکی...- حکایه‌

دنیزی گؤیلردن آییرماق اولماز... - مشهور شاعر

گؤزو نملی دایانما- شعیر

الیمده کی طرلان قوشو ایتیردیم- شعیر

خبر خطّی
 
Axar.az'da reklam Bağla
Reklam
Bize yazin Bağla