Axar.az
یوخاری
20 اوکتیابر 2019


هانی او ابدی گناهکار بدنلر؟ – یئنی شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ تانینمیش شاعر آقشین یئنی‌سئیین یئنی شعیرینی تقدیم ائدیر.

"قوجالمیش «تامیل قاپلانی»نین آنکارادا «اویکوسوزلار» میخانه‌سینده دئدیکلری"

اسارتین چؤریی ایله بؤیوموشدو آزادلیغیمیز!
قارنی توخ اولسا دا، گؤزو آج ایدی…
آرزولاریمیزی حیسه وئریب ساخلامیشدیق، اومیدلریمیز قاخاج ایدی.

آزادلیغین‌دان اؤنجه بیر زیندانی اولمالیی‌دی اینسانین
تصادف آدلی بیر گوناهی اولمالییدی.
باغیشلاماق یوخاریدا احتیاج ایدی،
نفسیمیز جننته محتاج ایدی.

گول اونو ساتان قوخوسو اولدوغو اوچون گولداندای‌دی
اینسان سوچو اولدوغو اوچون زینداندای‌دی.
وارمی اؤلکه‌نیزده ایندی سهربازلار، جادوگرلر،
یوخسا هامی‌سینی گوله‌له‌دیمی کومونیست اینکیویزیسییاسی؟
هئچ اولماسا، یاخشی بیر آدام قالدی‌می شهرینیزده
آرخاسینجا آغلاماق اوچون اؤلدوروله‌سی، سورگون اولوناسی
بارماقلاری چکیجله ازیله‌سی و سوموکلری دین‌دیریله‌سی
بیر آزاد آدام وارمی آرانیزدا، اینانجی ایله‌نجه‌یه چئویره‌ن،
سویون اوستون‌ده یئرییه‌ن، اوچماق اوچون کوپه گیره‌ن؟
عذابلارینیزین آلت قاتین‌دا نه معناسیز کیراینیشینلر اوتورور!
او نه دادسیز چؤرک‌دی، هوجام، خوشبختلیینیزین خانیم-خاتینی
بوتون گونو تئلئفون‌دا اویناشی یالتاق اتله لاققیرتی وورور.
هانی او اب‌دی گوناهکار بده‌نلر؟
جاواب‌سیزمی قالاجاق مهشرده سیزه عایید نیه‌لر، نه اوچونلر، ندنلر؟
هارداسینیز، ائی تاریخین ارکؤیون قاتیللری؟
سؤزلری دیری-دیری اودموش حقیقتین لال اوغلو بوردادیر.
سوسدوقجا هیکله دؤنور، بوته دؤنور، زنن ائدیر بوددادیر.
تئز گلین، دین‌دیرین اونو، اؤلدورون اونو
ظفرله باشا چاتمامالی دیلی اولان هئچ بیر سوکوتون سونو!
- من بورالی دئییله‌م، آبی، اؤلدویوم تورپاقلارا عاییده‌م!

خسته بیر بدن! اومیدلر… قوتودا حبلر…
سببلر گؤبک جیه‌سی ایله بیر قادینا باغلی
کیچیک بیر گؤی اوزو وار کلله سومویونون آلتین‌دا
اوریی گوندوز جهنمین، گئجه جننتین اونوانی
گؤزلری ایکی سئوه‌ن گنجین بیر-بیریلرین‌دن خبرسیز آغلادیغی بیر اوتئلین ایوانی
بو گئجه یئنه قورویا چیخیب عقل‌لی دئلفینلر و گئری دؤنمه‌مک اوچون
اینتیهار ائدیبلر.
دنیز هوزن دولو کاسیب سوفره‌سی – بوش و کیرلی
اما هر کسه آچیق
تکنه‌لر یوخسول اوشاقلارین خیاللاری
یعنی سونسوزلوق‌داکی کؤمکسیزلیک
هارایا اوزرلرسه اوزسونلر
بیر گون اونوانا چاتمادان باتاجاقلار
یعنی آرزولارینا یاریمچیق چاتاجاقلار
گونش تنبل-تنبل اریگیر بوزدا
یعنی زامانی بوخارلاندیریر گئتدیکجه ارییه‌ن او قوجا، او سویوق اوزده
هر گون کیم‌سه بوخارلانیب یوخا چیخیر محله‌میزده
دوخ‌سان فایزی سو دئییل‌می اینسانین؟
گونش کوچه‌ده بوخارلاندیریر زامانی
اینسان همیشه کوچه‌ده اؤلوب ائوه گلیر.
زامانین جاسوسو باخیر دیواردان
قدیم بیر قهقهه‌نین ووجودودور آروادیم، کونج‌ده اوتورموش
کؤهنلیین‌دن قوپوب تؤکولور سوواغینین سوکوتو
بیر تاپینتی‌دیر اوغلوم، کئچمیش یالقیزلیغیمین یئگانه ثبوتو.
اون ایلدیر کی، اؤلومو اینکار ائدیر ماسانین اوستون‌ده‌کی اؤلو شک‌لی
بیزی‌می آلدادیر، اؤزونومو آلدادیر اوزون‌ده‌کی جان‌سیز گولوم‌سه‌مه.
صاحبی اؤلونجه، اشیالار دا اؤلور، سن دئمه.
مثلاً، بیر دوربین دوشونون، اوزاقلاردان دویمازدی تک گؤزو
صاحبی اؤلونجه کور اولدو، ایچینه ییغیشیب قال‌دی کونج‌ده‌کی قاران‌لیق ساندیق‌دا
یا بیر جوت آیاققابی دوشونون
آتام اؤل‌ن‌دن سونرا هیسس اولونمادان یوخا چیخ‌دی
بیر مدت دولاشیب اورتالیق‌دا.

قوجا تامیل قاپلانی وورنوخور کی، آغلاسین!
اسارتین چؤریی ایله بؤیوموش‌دو آزادلیغیمیز
بیرجه آی دا اولسون مااشی کسیلممیش‌دی وتنپرورلییمیزین
احتیاج آتا و شؤهرت آنا اوغوللوغا گؤتورموش‌دو قهرمانلیغیمیزی
وطنین هر شئی‌دن اوستون اولدوغو بیر خلوت تاپمیشدیق
اورادا گیزله‌نیردیک بیزی آختاران جسور یارالاردان.
ائی کیچیک سئوینجلرین یولون‌دا بؤیوک کدرلری قوربان کسه‌ن
خوشبخت‌لیک قسسابلاری،
ائشیدین او ییخیلان هیکلین هارایینی
عذاب یوخ‌دور، یوخ اولان عذاب‌دیر!
- آز ایچ، آبی، آلدانما لوت شوشه‌نین گؤزل ایگینه،
بوغ‌دانین برکتینین فاهیشلیینه!

اؤلولر پنجره‌دن باخیردی، هوجام!
کوچه‌ده، ساتین آلینمیش تابلوداکی راهیبه‌نین اوزون‌ده
«ایندی فاهیشه‌می اولدوق!» دئیه کینایه‌لی بیر هاهاها واردی
بوتون اؤلوملرین سونون‌دا بیر داها، بیر داها، بیر داها واردی.
اسارتین چؤریی ایله بؤیوموش‌دو آزادلیغیمیز!
قارنی توخ اولسا دا، گؤزو آج ایدی.
دون گئجه «بیگ-بانگ»دان او قدر ایناندیریجی دانیشدین کی
توزا آلئرگییاسی اولان قهبه سو پری‌سی دوروب دؤشه‌مه‌نی سیل‌دی و دئدی:
«خاطره‌لر ده اینسانین خارابالیقلاری‌دیر.
اورادا اؤل‌ن بیز ایدیک‌سه، بورادا ساغ قالان کیم‌دی؟
«بؤیوک پارتلاییش» اولوب‌سا، بوتون دونیا اؤز باشینا اوچولوب‌سا، داغیلیب‌سا
هاردان بیلک دوغرو کیم‌دی، یالان کیم‌دی؟
ائه، نییمه گرک منیم، بون‌دان سونرا منی سئوه‌ن، آلان کیم‌دی؟»
او گئجه سانجی‌سی توت‌دو بیزیم یایاواردئنئپورانین
سونونجو اسارتین بئلین‌دن گلن بیر هیکل دوغ‌دو،
یئنه اینسان دوغمادی بو قانجیق شهر!
نیینه لازیم‌دیر بو قدر اؤلو، نیینه لازیم‌دیر مزار بو قدر؟
علی قانیمیزا باتمایان بیر موقدده‌سین وارمی
وارمی بیزی اؤلدورمه‌یه‌ن بیر اینانجین.
یایاواردئنئپورا، قووولموش هووا آنام،
یئنه هان‌سی گونونه هیکل دوغورسان، یئنه هان‌سی اوزله توتوب‌دو سانجین؟
آخ بئیینین دجل سفئه‌لیگی، دور، قبیریستان‌لیق‌دا پول دیله‌ن وارلی باشداشیلاردان
سو پری‌سینی یولا سالاق، سولار چکیلیر.

بئش دینیمیز، اون مین تانریمیز وار، هوجام
هامی‌سی اینگیلیس گئنئرال هاستینگ‌سین اؤنون‌ده آجیز قال‌دیلار.
گؤز یاشلاریم توتالیتاریزمه آغی دئییل، هوجام!
اؤز-اؤزویله دانیشماغا باشلاییر اینسان سوسدورولونجا
و بیر گون اؤزونو اؤلدورور دوشمه‌نلری اونو اونودونجا...
کؤلگه‌سی دوغرانمیش بوداقلارینین اوستونه دوشه‌ن بیر آغاج شک‌لی‌دیر منیم اؤلکه‌م

اؤز الیله ووردوغو دویونو دیشیله آچان کاسیب آتادیر.
من ده کی دیشلری تؤکولموش قاپلان!
اؤزومو ایزلییر آزاد تهلوکه‌م…

تاریخ
2019.10.11 / 11:52
مولف
آیتاج آراز
شرح لر
دیگر خبرلر

سؤیله، ائی بوزقوردلارین یاشیل دیاری، سؤیله! - شئیر

نه یامان تئز کئچیر" دئییرم، ایللر...- شئیر"

واهید آذربایجان اولسون! - شعیر

"نییه چیخدیق یولا بیز؟!"... - سحر خیاویدن شعر

موستقیل آذربایجانین ان یاخشی رومانلاری - سیاهی

قیزیل ایرماق کنارین‌دا قادینلار گؤردوم - شعر

یوخ، داها عمروم‌ده آچیلماز او یاز،- شئیر

کوسمئک؛ سئنی سئویوروم’دور - شعر

یوسیفی میصرده گر آلدی زولیخا نقده... - ناتوان‌دان

گؤزلریم‌ده گؤرونور هر آغرینین ال ایزی - شعر

خبر خطّی
 
Axar.az'da reklam Bağla
Reklam
Bize yazin Bağla