یوخاری

یاردان آیری دوشن گؤز یاشین سیلمز- شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ فرهاد ایبراهیمینین "آمان آیریلیق..." آدلی شعیرینی تقدیم ائدیر:

فیکرین‌دن گئجه‌لر یاتا بیلمیرم

بو فیکری باشیمدان آتا بیلمیرم
نیلییم کی، سنه چاتا بیلمیرم
آیریلیق، آیریلیق، آمان آیریلیق
هر بیر درددن اولار یامان آیریلیق.

اوزون‌دور هیجرین‌دن، قارا گئجه‌لر
بیلمیرم، من گئدیم، هارا گئجه‌لر؟
ووروبدور قلبیمه یارا گئجه‌لر
آیریلیق، آیریلیق، آمان آیریلیق
هر بیر درددن اولار یامان آیریلیق.

یادیما دوشنده آلا گؤزلرین
گؤی‌ده اولدوزلاردان، آللام خبرین
نئیلییم... کسیبدیر من‌دن نظرین
آیریلیق، آیریلیق، آمان آیری‌لیق
هر بیر درددن اولار یامان آیریلیق.

آیریلیق دردینی چکمه‌یه‌ن بیلمز
یاردان آیری دوشن گؤز یاشین سیلمز
دئیرلر: اینتظار خسته‌سی اؤلمز
آیریلیق، آیریلیق، آمان آیریلیق
هر بیر درددن اولار یامان آیریلیق.

نئجه کی، الیم‌دن، آیری دوشندن
سورار بیر-بیرینی، گؤروب بیلندن
حسرتله سیزلایار دایم بو غم‌دن
آیریلیق، آیریلیق، آمان آیریلیق
هر بیر درددن اولار یامان آیریلیق.

ایللردیر اوزاغام، آرخام ائلیم‌دن
بولبولم، دوشموشم، آیری گولومدن
زور ایله آییریب شیرین دیلیمدن
آیریلیق، آیریلیق، آمان آیریلیق
هر بیر درددن اولار یامان آیریلیق.

اولوبدور بیگانه، یاریم-یولداشیم
غریبه ساییلیر سئوگیم، سیرداشیم
بو جوان چاغیم‌دا آغاردیب باشیم
آیریلیق، آیریلیق، آمان آیریلیق
هر بیر درددن اولار یامان آیریلیق.

منی آغلاداندان گولوش ایستره‌م
اوزاق دوشه‌نیمله گؤروش ایستره‌م
حاساری ییخماغا یوروش ایستره‌م
آیریلیق، آیریلیق، آمان آیریلیق
هر بیر درددن اولار یامان آیریلیق.

سئوگی‌لیک اولوب‌دور شنی فرهادین
سئوگیسی هاردادیر، هانی فرهادین؟-
دئیه‌رک، چیخاجاق جانی فرهادین
آیریلیق، آیریلیق، آمان آیریلیق
هر بیر درددن اولار یامان آیریلیق.

تاریخ
2019.10.12 / 13:00
مولف
Axar.az
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla