ایرانلی گنرال ساغدیر و آمریکادا یاشاییر
17:02
آنا صحیفه ادبیات |
کولت. آز اؤزونو دنیزی آتاراق اینتیهار ائتمیش گنج شاعر ملیک جاهانین سون شئیرینی تقدیم ائدیر.
سون شئیری
قورخونون اجله فایداسی یوخدور،
بیر گون روح ترک ائدیر بدهنی،
آزاد اولور بیر بدهنلیک اسارتدن.
اؤلوم سون دئییل، باشلانغیجدیر،
بیر آز سئوگیدن عبارتدیر،
بیر آز دا جسارتدن.
گئدنده تک گئتمیرسن،
ساوابلارین یولداشدی،
گوناهلارین یولداشدی.
بوندان سونرا بایراملار
ایل دؤنومو اولاجاق،
خئییرله شر قارداشدی.
هفتهلر آیا دؤنور،
آیلار گلیب ایل اولور.
ایللر ده یارپاق کیمی
تک-تک تقویمدن دوشور.
اؤیرشیر... هامی اؤیرشیر...
بیر گون روح ترک ائدیر سنی،
قالخیر، گؤیلره اوز توتور.
زامانلا یادیرغاییرلار
سسینی ده، سؤزونو ده.
سونرا...
بیر گون سنین اؤزونو ده
اونودور...
هامی اونودور...
بیر گون روح ترک ائدیر سنی،
روح سنی، سن ده هر کسی.
یاخینلیقداکی مسجیددن
ائشیدیلیر اذان سسی...
تاریخ
2019.10.13 / 20:38
|
مولف
آیتاج آراز
|