یوخاری

یوخ، داها عمروم‌ده آچیلماز او یاز،- شئیر

آنا صحیفه ادبیات
12 Punto 14 Punto 16 Punto 18 Punto

کولت. آذ موسی یعقوبون "ائلمدیکلریم یاندیرار منی" آدلی شعرینی تقدیم ائدیر:

اول بوداق-بوداق سودا اویویان،
سونرا چارخی دؤنوب،آرخی قورویان
بیر یاغیشا حسرت سؤیودلر کیمی
ائلمدیکلریم یاندیرار منی...
اؤزومه وئردییم اؤیودلر کیمی
ائلمدیکلریم یاندیرار منی...

من ائله بیلیردیم او بنؤوشه‌لیک،
منیمچون قالاجاق تر همیشه‌لیک.
اؤزو سولوب گئتدی،قییمادیم اوز‌م،
دویونجا باخمادیم بنؤوشه گؤزه،
یازی نمیش،یایی تئز خزللشن،
پتکده قایناشان،
شانلا اللشه‌ن،
قیش‌دا بال‌سیز قالان آریلار کیمی
ائلمدیکلریم یاندیرار منی...
اؤزومه وئردییم اؤیودلر کیمی
ائلمدیکلریم یاندیرار منی...

من ائله بیلیردیم واخت دا دوراجاق،
ائله او اوولکی باخت دا دوراجاق.
گئدیب سادتلر راستینا چیخان
سئوگی جیغیرییلا کئچمک اولاجاق.
هر واخت بو زمینی بیچمک اولاجاق...

بره‌ده بوش یئره آنلاری ساییب،
اووونو هورکودن اووچولار کمی،
ائلمدیکلریم یاندیرار منی...
یایلاق‌دا چئشمه‌یه محل قویماییب،
سهرادا آلیشان یول‌چولار کیمی
ائلمدیکلریم یاندیرار منی...

بیلمیرم کیم ایدی اوزدو باری‌می،
اوچورتدو الیم‌دن بیر شیکاریمی،
سونرایا ساخلادیم چوخ قراریمی،
ائلمدیکلریم یاندیرار منی...

یوخ،داها عمرومده آچیلماز او یاز،
بیر قانادیم یورغون،بیریسی پرواز.
ائلدیکلریم‌دن یاخام قورتارماز،
ائلمدیکلریم یاندیرار منی...

تاریخ
2019.10.17 / 22:57
مولف
Axar.az
دیگر خبرلر

آرامیزی کسدی آراز، ناله چکدی، دیلله‌ندی ساز – شعیر

۵۰۰-جو ایلدؤنوم: «شاه اسماعیل»این خصوصی بوراخیلیشی چیخدی

کؤنلوم قوشو قاناد چالماز سن‌سیز بیر آن، آذربایجان-شعیر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

خبر خطّی
Axar.az'da reklam Bağla
Reklam
Bize yazin Bağla