آنا صحیفه ادبیات |
کولت. آذ خلیل رضا اولوتورکون "آزادلیق" شعیرینی تقدیم ائدیر:
آزادلیغی ایستمیرم
زرره زرره، گرام-گرام
قولومداکی زنجیرلری قیرام گرک
قیرام! قیرام!
آزادلیغی ایستمیرم
بیر حب کیمی، درمان کیمی
ایستییرم سما کیمی،
گونش کیمی،
جهان کیمی:
چکیل، چکیل ای غصبکار:
من بو یوردون گور سسییهم:
گرک دئییل سیسقا بولاق،
من عمانلار تشنهسییهم.
بیز تورکوستان ائللریگیک،
بیز تورکوستان ائللریگیک،
غیرت، قودرت سئللریگیک.
داشناکلاری قووان بیزیک،
دار گؤزلری اووان بیزیک.
یئتر میدان سولادیلار،
یوردوموزو تالادیلار.
باکیمیزی عزیزلیک.
عقربلردن تمیزلیک!
شؤله وئرسین بو لعل، مرجان -
ارمنیسیز آذربایجان!
بیر یاندا شاهنشاه، بیر یاندا دا چار،
قان ایله یازدیلار صولح قرارینی،
تیکانلی مفتیلله ساریدی اونلار
بؤیوک بیر میللتین یارالارینی.
گورشاد تؤکدو، توفان اولدو،
آراز داشدی، عمان اولدو.
قایالاری آل قان اولدو
او ساحلده، بو ساحلده.
اؤلکه یاندی، وطن یاندی،
قیزیل پولتک خیردالاندی.
دؤولت گئدی، وار تالاندی
او ساحلده، بو ساحلده.
بیر-بیریندن جیدا دوشدوک،
دیری گؤزلو اودا دوشدوک.
بیز یادلارا نئینمیشدیک
او ساحلده، بو ساحلده؟
فضولیم غملی نئیدی،
او بیر ده می قارا گئیدی؟
یاراسینا کیملر دیدی
او ساحلده، بو ساحلده.
شبی- هیجران یانار جانیم،
تؤکر قان چئشمی گیریانیم،
اویادار خلقی افغانیم،
او ساحلده، بو ساحلده.
نه حسرت ، نه هیجران اولسون،
واحید آذربایجان اولسون!
قوی بیرلشسین بیر جان اولسون
او ساحل ده، بو ساحل ده!...
تاریخ
2019.10.18 / 21:22
|
مولف
Axar.az
|