Axar.az
یوخاری
7 اییول 2020


نه یامان تئز کئچیر" دئییرم، ایللر...- شعیر"

آنا صحیفه ادبیات
12 Punto 14 Punto 16 Punto 18 Punto

کولت. آذ بختیار واهابزادنین "ایللر" آدلی شعیرینی تقدیم ائدیر:

بؤیومک عشقیله اوشاق‌لیق‌دا من
بویومو اؤلچردیم گون‌ده یوز کره
چوخ واخت گیلئیلنیب کیچیکلییم‌دن،
قیبتیله باخاردیم من بؤیوکلره.

اؤزومو حکیمه، گاه معلمه،
گاه دا مهندسه من بنزدیردیم.
آتامین هر کیچیک حرکتینی
بؤیوک بیر هوسله تقلید ائدردیم.

«اوزوم توکلنه‌جک، بس نه واخت؟» دئیه
اون دفعه باخاردیم گون‌ده گوزگویه
یاشی‌می دئمه‌یه من اوتانیردیم،
اؤزومدن بؤیویو خوشبخت سانیردیم...

بؤیومک ایستردیم من گون‌ده بیر یاش،
ایستردیم تئز کئچسین آیلار، فصیللر،
هفته‌لر اؤتدوکجه هئی یاواش-یاواش،
«نه یامان لنگ کئچیر» دئیردیم، ایللر...

ایللر لنگ کئچمه‌دی، هر آندا ایللر
مین اینسان عمرون‌دن کام آلدی کئچدی
بیر زامان گؤردوم کی، اوتوز یاشیم وار،
ایللر ساچلاریما دن سالدی کئچدی...

دییشیر اینسان‌دا محبت، هوس،
ایللر ده عؤموردن گئتمیر بوش یئره،
بو گون بؤیوکلره دئییل، ندن بس،
قیبتیله باخیرام من کیچیکلره.

باشیمیز ایشلره قاریشیر یامان
هئچ بیلمیریک آخشام نه زامان دوشور
یامیاشیل گؤردویون دوننکی یارپاق،
بیر ده گؤرورسه‌ن کی، بوداق‌دان دوشور.

ایللر چوخ سرعتله اؤتور دالبادال
بیر آندا داغلارین قاری سئل اولور،
گؤزوموزو یوموب-آچینجا درحال،
هفته‌لر آی اولور، آیلار ایل اولور.

مین گئدیش، مین گلیش اولور بیر آندا،
قووور بیر-بیرینی سانکی نسیللر.
من هر تزه ایلی قارشیلایان‌دا،
«نه یامان تئز کئچیر» دئییرم، ایللر...

دئیین، هارا بئله تلسیرسینیز؟
سیزسینیز عمرومون یئلکه‌نی، ایللر!
من سیزی قوواردیم اوشاقلیغیم‌دا،
ایندی قووورسونوز سیز منی، ایللر!...

تاریخ
2019.10.19 / 16:05
مولف
Axar.az
شرح لر
دیگر خبرلر

اللریم، جئب‌لریمده دوستاق‌دیر- شعیر

آراز اوسته بیر آه چکدیم، آی ائل‌لر!- شئیر

یوخدو بو روسوالیغین دردینه درمان ، ای طبیب- غزل

روقییا کبیرینین بوتون اوشاق- گلین‌لره حصر ائتدیی حکایه‌سی

بدبخت سعادته گولمرم داها- شعیر

قورتولوشا محتاج گلدیم قاپینا - شعیر

ظولمتلری یاراجاق آذربایجان بایراغی- شعیر

من آمما بایراما سنسیز یامان دئدیم نازلیم! - شعیر

آتا نؤوبتی گون یوخودان آییلمادی...

گؤروش میننتی...- ممد آراز

خبر خطّی
 
Axar.az'da reklam Bağla
Reklam
Bize yazin Bağla