کولت. آذ قشم نجف زاده نین "سون نفس‌ده" آدلی شعرینی تقدیم ائدیر:

سنی یولوندان ساخلاسام،
سنه باخیب آغلاسام،
گؤرن نه اولار؟

گؤرسن من بویدا کیشی،
نیه حسرت جکیرم: -
دوداقلارینین آزچا قاجماغینا،
گؤزلرینین آزچا آخماغینا…

یالاندان حیرصله‌نیردیم،
باخ اوندا.
سن ده قورخوردون…
اؤزومو، اسیر اولماقدان،
آلجالماقدان،
سنه یالوارماقدان قورویوردوم.

هله بئله سئوممیشم،
بو سئوگی ده منی الدن سالدی.
روحوم بدنیمه داردی.
گؤرن بونلاری بیلسن،
دونیا دییشرمی؟
منه نه دئیرسن؟

ائوله‌نمک حبس چزاسیدی،
بوردا عفو یوخدو.
کامئرا دونیادی،
گؤرورسن کی، سویوقدو.

چتین بو چزانی
من باشا ووروم،
آز قالیب اؤلمه ییمه.
آی جاماعت، من اؤلدوم، ائئیی…
قولاغینی بری گتیر.
بیر سؤز دئییم،
سون نفسدی،
«سنی سئویرم»،
هئچ کس بیلمه‌سین.