کولت. آذ آذربایجانین گؤرکملی شاعری مممد آرازین "تأسف" آدلی شعرینی تقدیم ائدیر:

بو گؤروش نه آجی قیسمتمیش بیزه،
ائله بیل بیر کدر گؤلونه دوشدوک.
سلام‌سیز، کلام‌سیز دوروب اوز-اوزه،
بیر خئیلی باخیشلا، گؤزله گؤروشدوک.

اسدی اورک کیمی اووجوم‌دا علین،
سن ازل بو قدر کؤورک دئییلدین.
سن ازل بو قدر مهریبان، حلیم،
سن ازل بو قدر قشنگ دئییلدین.

هانی عمروموزون او کئچه‌ن گونو،
هانی اؤز عهدینه او دؤنوک آندیم...
سنین «گل باریشاق» تبسمونو
من او واخت ال آچان دیلنچی ساندیم.

ایندی دایانمیشیق اوز-اوزه، یاخین:
تأسف چای کیمی آخیر آرادان.
بلکه ده وعده‌سیز یاخین اولماغین
جازیبه گوجون‌دن تئز آشیر آدام.

بیر عشقین دولاشیب ایت‌ن یولونا
توتما چیراغینی بو عالم‌ده سن.
کاش ائله مزارا گئدن یولوما
گؤی ایشیق اولاسان بو گؤرکه‌م‌ده سن.

بلکه ده یوز دفعه گؤروشدوک بئله،
یئنه خاطره‌لر، یئنه تأسف.
تأسف، تأسف، تأسف ایله
قاییدا بیلمه‌یه‌ن گونه تأسف!..