ایران ۳۶۵ راکت-درون آتدی: نیه هئچ بیر ضرر اولمادی؟
11:50
آنا صحیفه ادبیات |
کولت. آذ نظامی گنجوینین غزلینی تقدیم ائدیر:
بو گئجه یاتماق ندیر، خوشدور کئف ائتمک صوبحهدک،
باشقا گون مومکون یاتیب مقصودا یئتمک، صوبحهدک.
گاه سنی جانه چکیب، گاه دا گؤز اوسته، ای نیگار،
گاه سینهمده، گاه کؤنولده یئر دوزلتمک صوبحهدک.
بیر بادامدیر گؤزلرین، شیرین شکردیر لبلرین،
عاشیقه خوشدور سنینله عشرت ائتمک صوبحهدک.
آیریلیقدان من دونهن غملر یئدیم، اولجاق گئجه
باشیما وصلین بو گون تاج قویدو گئرچک، صوبحهدک،
جانی قوربانین دئدیم، ایندی سنیندیر ایختیار،
نقش وور، میدان اوخو، نرد اوینا مرد تک صوبحهدک.
زولفونو بوک توبه تک، شامه کیمی گل بوسه وئر،
توبهنی زولفون کیمی سیندیر دا، می چک صوبحهدک.
گل بو آخشام لطف ائله، دینله نظامی شعیرینی،
قاپینی بیر کیمسه آچماز، باخما، گؤز چک، صوبحهدک.
تاریخ
2020.04.28 / 09:58
|
مولف
Axar.az
|