آنا صحیفه ادبیات |
کولت. آذ اسماعیل سالکینین شعیرینی تقدیم ائدیر:
سندن دانیشانلار، سنی سالمیش سیرا تانریم!
عوصیان غزلیم، قوی باریشیقلار قیرا تانریم!
من «آلما»نی چیخدیم، دئیه سن «هئیوا»دا میسدین
میس-میس ائلهمه، چیخ قابیغیندان بورا تانریم!
یوز مین نئچه پیغمبر ایله، دین- دین اؤلوردوم
قالدیم بو قیلنجلار تؤرهدن ایلقارا تانریم!
علمین گؤزو، گؤی گؤزلرینی ایندی یاریبدیر
بیر کیمسه خبر بیلمهدی سندن، هارا تانریم...؟!
آچ دوگمهمی «مریم» کیمی چک باغرینین اوسته،
بیر دین دوغوم، آنجاق بیته مین بیر یارا تانریم!
من دوغدوغوم آنجاق دئمه ارکک اولاجاقدیر
ارککلره وئردین دینی، دوشدوک دارا تانریم!
گاه تاختالارا میسمارینان ووردولار، گاه دا-
موسی آغاجی چیخدی دنیزلر یارا تانریم!
گل دیز-دیزه منلن اوتوراق هر ایکیمیز ده،
گؤر کیم بو ناغیللاردا اولوب فیرفیرا تانریم!
اَل چک داها تانریم! وئریرم جنتی شئیخه
بوینوم-بوغازیم چوخ داریخیبدیر دارا تانریم...!
تاریخ
2019.11.11 / 16:14
|
مولف
Axar.az
|