کولت. آز بالاش آزروغلونون "بولودلار" آدلی شئیرینی تقدیم ائدیر:

یئنه آغ چالمالی کپزین اوست‌ده
چتیرتک دورموسوز، قارا بولودلار.
دئیین، کولک قووموش، گونش داغیتمیش،
سیزی کیم گتیرمیش بورا، بولودلار؟

نیه قارالدینیز بو باهار چاغی؟
سیز ده می گؤردونوز آیری‌لیق داغی؟
گؤرون‌سه گونشین قیزیل ساچاغی،
هارا گئده‌جک‌سیز، هارا، بولودلار؟

جنوب ائللرینه سیز گئدن زامان،
بیر سؤزوم چیخماسین قوی یادینیزدان.
منی خبر آلسا گولوزلو جانان،
سلام دئیرسینیز یارا، بولودلار.

دئیین، قم چکمه‌سین سیز اونا، دؤزسون،
درده، ایشگه‌نجه‌یه، زین‌دانا دؤزسون.
آخی سؤز وئریب‌دیر، هیجرانا دؤزسون،
تاپاق بو دردلره چارا، بولودلار.

گؤزونوزدن آخان قلب سئوینجی‌دیر،
بلکه، هسرت یاشی، بلکه، اینجی‌دیر؟
یقین، بو آیری‌لیق سیزی اینجی‌دیر،
ائدیر کؤنلونوزو پارا، بولودلار؟

یئتر، آغلامایین بو گؤلون اوسته،
بو داغین، چمه‌نین، بو چؤلون اوسته.
گونش بای‌راق آچیب بو ائلین اوسته،
بو تورپاق بورونموش نورا، بولودلار.

گئدین، او ساحللر گؤزلییر سیزی،
یویون گؤز یاشییلا، یویون تبریزی.
نه دوشمه‌ن لپیری، نه ده قان ایزی
دوشمه‌سین بیر داها اورا، بولودلار.