Axar.az
یوخاری
13 اییول 2020


قلبی‌می اؤزونله آپارمیسان سن - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ مممد آرازین "سنی آختاریرام" آدلی شعیرینی تقدیم ائدیر:

گؤزوم‌دن گئتمییر جمالین سنین،
کؤچوب قونشولوق‌دان هایانا گئتدین؟
کپزمی، قوشقارمی اولدو مسکه‌نین
یوخسا اونلاردان دا او یانا گئتدین؟

قوینون‌دا دفینه تاپدیغین زامان
اوجالتدی داغ بویدا هان‌سی داغ سنی؟
نرگیز رنگ آلدیمی یاناقلاریندان
اؤپنده نرگیزلی بیر یایلاق سنی؟

گؤره‌سه‌ن، بو سوراق دوشدومو ائله:
«یامانجا شهرت‌لی مهندیس‌دیر او!»
عشقین هان‌سی قلبی گتیردی دیله؟
کیم دئدی ایلقارا، عهده دوزدور او؟

گؤزومدن گئتمییر جمالین سنین،
کؤچوب قونشولوق‌دان هایانا گئتدین؟
کپزمی، قوشقارمی اولدو مسکه‌نین
یوخسا اونلاردان دا او یانا گئتدین؟

سنی آختاریرام او گون‌دن بری،
آخی آچمامیشدیم سنه کؤن‌لومو.
یاز گلدی، آچیلدی باهار گوللری،
من‌سه آچمامیشام یئنه کؤنلومو.

بعضا توفنگ آلیب چیخسام دا دوزه،
جئیران اویلاغین‌دان آرالی گزدیم.
اووچو اوو آختارار، اووچو اوو گزر،
من منی اوولایان مارالی گزدیم.

بزه‌ن آج قاییتدیم ائوه ده، اما
بیر تیکه چؤریی یئیه بیلمدیم.
بوتون سیرلری‌می بیله‌ن آناما،
مهببت سیرری‌می دئیه بیلمدیم...

بلی، آختاریرام سنی او گون‌دن،
کؤنلوم ایسته‌یه‌نی گؤره بیلمیرم.
قلبی‌می اؤزونله آپارمی‌سان سن،
من اونو هئچ کسه وئره بیلمیرم...

تاریخ
2020.04.28 / 09:20
مولف
Axar.az
شرح لر
دیگر خبرلر

مجید، ممدحسین، علی، حسن، مسعود، عابباس... - گونئی‌لی شاعر

سیزین ایر‌لی گئتمیینیزه مانع اولان شخص اودور – حکایه

تئللریمی قیش داراییر... - سیامک میرزایینین قله‌مین‌دن

ائی ایلک خاطیره‌لر، ایلک خاطیره‌لر! - شعر

نیه اینانیرسانسا او دا آلیناجاق - حکایه

اروز وزنین‌ده یازیلمیش ان گؤزل طبیعت شعیری

تزه بیر گون دوشه جک پنجره دن - شعر

تاپشیرین دالیمجا گلمه‌سین کؤلگم- شعیر

آجی بیر بوشلوق قالیر ایشیق بویو سوزوله‌ن شکیللرده- شعیر

بیزه باخیب تانری چاشیر- شعیر

خبر خطّی
 
Axar.az'da reklam Bağla
Reklam
Bize yazin Bağla