آنا صحیفه ادبیات |
کولت. آز ائلدار ایسماییل بؤیوکتورکون "قالخ آرخامدا دایان، قارداش!" آدلی شئیرینی تقدیم ائدیر:
(اوزومو جنوبی آذربایجانداکی
قارداشلاریما توتورام…)
ائشیت منیم هاراییمی،
دوشمهن پوزوب هالاییمی.
داغیدیبلار آلاییمی،
یوردوم اولوب تالان قارداش!
قالخ آرخامدا دایان قارداش!
قالخ سسینی سسیمه قات،
هاراییما، اونومه چات.
سویوقلوغون داشینی آت،
قوی کور اولسون دوشمهن، قارداش!
قالخ آرخامدا دایان قارداش!
تورپاغیمیز دیلیم-دیلیم،
باشیم اوسته گزیر اؤلوم…
بو نه وهشت، بو نه زولوم؟
دردیم سنه بیان، قارداش!
قالخ آرخامدا دایان قارداش!
آرالیقدان شر قالخماسا،
اؤز یئریندن نر قالخماسا…
یومروغوموز بیر قالخماسا
قینار بیزی زامان قارداش!
قالخ آرخامدا دایان قارداش!
تکلنمیشهم، سسین هانی؟
یاغیلارا «درسین» هانی؟
ستتارخان تک هیرسین هانی؟
قوپارمیرسان توفان قارداش!
قالخ آرخامدا دایان قارداش!
نیه دینمیر قوجا تبریز؟!
اوجالاردان اوجا تبریز!
من دوشموشهم ساجا، تبریز،
وئرمه یادا آمان، قارداش!
اویان تبریز، اویان قارداش!
بیر-بیرینه یادلار کؤمک،
سن اوردا تک، من بوردا تک…
اگر قالساق بیز داردا تک
قینار بیزی زامان، قارداش
قالخ آرخامدا دایان قارداش!
سؤیکنک حاقا-دیوانا،
بیر آتیلاق هر توفانا…
من بویانان قیزیل قانا
سن اؤزون ده بویان قارداش!
قالخ آرخامدا دایان قارداش!
قارداش گرک قارداش ایله،
بیر آغلایا، بیرگه گوله.
قئیرتینی گؤتور اله،
قویما قالسین بو قان، قارداش!
قالخ آرخامدا دایان قارداش!
گیر دؤیوشه قیساس آلاق!
اؤلسک-اؤلک، قالساق-قالاق!
گل بیرلیکده ظفر چالاق!
اویان تبریز، اویان قارداش!
قالخ آرخامدا دایان قارداش!
تاریخ
2019.11.26 / 22:57
|
مولف
Axar.az
|