کولت. آز زلیمخان یاقوبون "دونیا تورکون اولاجاق" آدلی شئیرینی تقدیم ائدیر:

تـانتیمییین تلـه سمیین چاشمیین
یئرلی یئرسیـز حـدینیزی آشمیین
قازان گلیب قاینامامیش داشمیین
سیرداشیمیز صبیر دوزوم اولاجاق
ازل آخیـر دونیـا بیـزیـم اولاجاق
اول آخیر دونیـا تورکون اولاجاق

واخت تبریزین دونیا ارکین دونیاسی
یول تانرینین حاقی درکین دونیاسی
ازل آخیـر دونیـا تـورکون دونیاسی
اوچ گون بش گون گجیم تزیم اولاجاق
اول آخیـر دونیـا تـورکـون اولاجاق

ایگید ورین شهیـد ورین قان ورین
جانسیزلارا جـانینیـزدان جان ورین
گمـی کیمـی صـاحیللره یان ورین
موژده چیلر دوزوم دوزوم اولاجاق
اول آخیـر دونیـا تـورکون اولاجاق

دوشمن منی دوز دوشونمز چاش آنلار
ددیگیمی قـایـا دویـار داش آنلار
قاییداجاق چیـن سددینی آشانلار
تاریخلرده تئـزه سوزوم اولاجاق
اول آخیر دونیا تورکون اولاجاق

یئنـی نـامـازینـی دونیـا قـورآندی
ایلک آندیمیز سون آندیمیز قوراندی
نیشان وره ن پیغمبردی قـورآندی
نه یوزولسا خییره یـوزوم اولاجاق
اول آخـیـر دونیـا بیـزیـم اولاجاق

بیرلشه جک اوزاق اوزاق بولگه لر
چکیله جـک قـارانلیقـلار کولگه لر
دیریله جـک اوغـوزخانـلار بیلگه لر
تورکه سجده تورکه تعظیم اولاجاق
اول آخیـر دونیـا تورکون اولاجـاق
اول آخیـر دونیـا بیـزیـم اولاجـاق