نادیر کیتابلارین ساتیلماسینین قارشیسی آلیندی
17:02
آنا صحیفه ادبیات |
کولت. آز حسین نعمتی نین " دییشیب گئدیرم" آدلی شئیرینی تقدیم ائدیر:
جاوان چاغی بیر هیجرانین یولوندا
اؤزوم اوز دردیمی بیلیب گئدیرم
گؤزونه آلیشدیم آهیندا یاندیم
اؤزوم اؤز کولومو دئشیب گئدیرم
فلک چارخی منی بیر گونه سالدی
بیرین یتیرمهمیش بئشینی آلدی
آرزوم اورگیمده گؤزومده قالدی
گؤزومون سئلینه دوشوب گئدیرم
عجل بیر اوخ آتدی اورگیم سولدو
دوشمن خنجر چکدی دوست یارا ووردو
تهمتدن بهتاندان باغیرم قان اولدی
اؤزوم اؤز اودومدا بیشیب گئدیرم
دونیانین ایشیندن باش تاپماق اولماز
بیرینه خوش باخار چوخلارین سایماز
«حسینخان» دونیانین قایدینا قالماز
اؤزوم اؤز ایپیمی ائشیب گئدیرم.
تاریخ
2019.11.29 / 21:22
|
مولف
Axar.az
|