کولت. آز علی جوادپوراون " گئتمه" آدلی شئیرینی تقدیم ائدیر:

کوسدوم کی، بیله سن اومان یئریمسن
داغیمسا، ذیروه مسن دومان یئریمسن
سن منیم سونونجو گومان یئریمسن
آلدانیب هرجیغیر ایزینه گئتمه

سیندیرما داغلار تک، سرت ووقارینی
قورو غئیره تینی، قورو عارینی
اوخشاییب هر کوکده کؤنول تارینی
اویوبان هر کیمین سؤزونه گئتمه

بؤیله آجی گئچن حیاتیمیزدیر
بؤیله سیزیلدایان بایاتی میزدیر
بؤیله پیس قوخویان بویاتیمیزدیر
چوخدا سن هر نه یین گیزینه گئتمه

نه اؤزونو دوغرا، نه اؤزونو کس
سوسمالی مقامدا سوس، چیخارما سس
اؤز ائوینده اوتور، تیتره، اس
اؤزگه اوجاغی نین کؤزونه گئتمه

نه قده ر یارادیب، نه قدر یازسان
اوقدر باهارسان، اوقدر یازسان
کیم دئسه:یازساندا، بیلکی قالمازسان
اینان،ایریسینه، دوزونه گئتمه