یوخاری

ساچلارینی دئییرم، ایستانبول بویدا آیریلیغا اوزانیب... - شعیر

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجان‌لی شاعر ائلچین آسلانگیلین "گئتملیگیک" شعرینی تقدیم ائدیر:

ساچلارینی دئییرم، ساچلارینی،
ایستانبول بوی‌دا آیریلیغا اوزانیب.

سنین گؤی اوزوندن یاغیشلار قوپار،
چتیرسیز آداملار، بیر ده آداملار-
اللرینی قوجاقلاییب قاچ‌سین دئیه،
قوشلار ایستی اؤلکه‌لره اوچسون دئیه...

شکیل-شکیل بؤیویوره‌م،
آدام-آدام یاش‌لانیرام.
یاشاماغا اومیدلری اوچوردوب
لاپ یئنی‌دن باش‌لانیرام.
ساچلارینی دئییرم، ساچلارینی،
ایستانبول بوی‌دا کولکلرله اوچوشماغا اوزانیب.

گؤر نئجه اؤلدولر، نئجه قالدیلار-
بیر مرمی‌لیک آداملار،
بیر دؤیوشلوک جاوانلار،
بیر یاتاق‌لیق فاهیشه‌لر،
بیر کوچه‌لیک آج ایتلر.
بیر ده، اویون‌جاق اللر، او بالاجا کؤرپه‌لر.
قوللارینی دئییرم، قوللارینی،
هامینی قوجاقلاماقچون یارانیب.

گئتملیگیک،
اینانانلارا آند اولسون گئتملیگیک.
کوچه ایتلرینی کیلسه زنگلریندن،
او کیم‌سه‌سیز اوشاقلاری اذان سسیندن،
او مرمیلری اؤلدورمیین یاخاسین‌دان قوپاریب،
گئتملیگیک، اینان منه، اینان بیزه-
الله اؤزو ده دئیه‌جک کی، باشا دوشوره‌م سیزی...

ساچلارینی دئییرم، ساچلارینی،
نفسی‌می کسمک اوچون اوزانیب،
گئتملیگیک...

تاریخ
2019.12.02 / 10:55
مولف
آیتاج آراز
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla